चितवन — चितवनमा एक युवकले आफ्नै बुवालाई खुकुरी प्रहार गरी घाइते बनाएका छन् । माडी नगरपालिका-६ रामराज्यपुरका २२ वर्षीय राजन गुरुङले ६५ वर्षीया बुवा रामबहादुर गुरुङलाई आइतबार राति घरमै बसिरहेका बेला खुकुरी प्रहार गरेका हुन् ।
चितवन जिल्ला प्रहरी कार्यालयका प्रवक्ता डीएसपी विजयराज पण्डितले राजनको खोजी भइरहेको बताए । डीएसपी पण्डितले चितवन मेडिकल कलेजमा घाइते रामबहादुर को उपचार भइरहेको जानकारी दिए ।