चितवनमा डेंगी संक्रमित युवककाे मृत्यु- वाग्मती - कान्तिपुर समाचार

चितवनमा डेंगी संक्रमित युवककाे मृत्यु

रमेशकुमार पौडेल

चितवन — डेंगी संक्रमित एक युवककाे मृत्यु भएकाे छ । चितवन स्वास्थ्य कार्यालयका भेक्टर कन्ट्राेल निरीक्षक राम केसीका अनुसार उपचारका लागि पुरानाे मेडिकल कलेजकाे भरतपुरमा रहेकाे शिक्षण अस्पतालमा भर्ना भएका रत्ननगर नगरपालिका-१ का २८ वर्षीय युवककाे आइतबार मृत्यु भएकाे हाे ।

साे अस्पतालका चिकित्सक डा. आलाेक प्रधानले अस्पताल आएकाे दुई घण्टाभित्रै ती व्यक्तिकाे मृत्यु भएकाे जानकारी दिए । उच्च ज्वराे र लगातार बान्ता हुन थालेपछि आइतबार मध्याह्नतिर उनी उपचारका लागि आएकाे डा. प्रधानले बताए । उनकाे परीक्षण चार पाँच दिन पहिल्यै अन्यत्र नै भएकाे प्रधानकाे भनाई छ । डेंगीका कारण चितवनमा याे वर्ष भएकाे याे पहिलाे मृत्यु हाे ।

नेपालमा सन् २००४ मा डेंगी राेग आएकाे पुष्टि भएकाे थियाे । चितवनमा नै एक जना विदेशीलाई गरेकाे परीक्षणमा साे वर्ष डेंगी देखिएकाे थियाे । त्यसपछि सन् २००९ मा चितवनमा नाैजनामा डेंगी देखियाे । डेंगीले सन् २०१० मा चितवनमा महामारीकाे रूप लियाे । त्याे वर्ष ७३९ जना संक्रमित भए । त्यसपछि तीन तीन वर्षकाे फरकमा चितवनमा डेंगीका महामारी आउन थाल्याे ।

सन् २०१९ मा चितवनमा डेंगीले निकै उग्ररूप लिएकाे थियाे । साे वर्ष चितवनका १९ हजारमा परीक्षण गर्दा चार हजार ८०३ जनामा संक्रमण पुष्टि भएकाे भेक्टर कन्ट्राेल निरीक्षक राम केसीले जानकारी दिए । संक्रमित धेरै भए पनि त्याे वर्ष तीन जनाकाे मात्रै मृत्यु भएकाे थियाे । तीन वर्षकाे अन्तराल परे पनि याे वर्ष चितवनमा संक्रमण अनियन्त्रित भइसकेकाे छैन । स्वास्थ्य कार्यालयबाट प्राप्त विवरण अनुसार साउनयता असाेज ३ सम्म चितवनमा २६१ जनामा संक्रमण पुष्टि भएकाे छ । तर मृत्यु भने सुरू भएकाे छ ।

प्रकाशित : आश्विन ४, २०७९ ११:०४
प्रतिक्रिया
पठाउनुहोस्

आर्मीलाई चितवन गोल्डकपको उपाधि 

रमेशकुमार पौडेल

चितवन — त्रिभुवन आर्मी क्लब नारायणगढ क्याम्पाचौरमा सम्पन्न इसुजु चितवन गोल्डकप फुटबल प्रतियोगिता–२०७९ को विजेता भएको छ ।सोमबार सम्पन्न प्रतियोगिताको फाइनलमा आर्मीले सशस्त्र प्रहरी बल (एपीएफ)को फुटबल क्लबलाई २–० गोल अन्तरले पराजित गरेको हो ।

विजेता आर्मीले सात लाख रुपैयाँ नगद पुरस्कार पायो । उपविजेता एपिएफले तीन लाख ५० हजार रुपैयाँ प्राप्त गर्‍यो ।

उपाधि भीडन्तमा उत्रेका दुवै विभागीय टिम मध्यान्तरअघि गोलरहत बराबरीमा रहेका थिए । मध्यान्तरपछि आर्मीले दबाब बढाउँदै गयो । खेल सुरु भएको तेस्रो मिनेटमै आर्मीका सुदिल राईले गोल गरेका थिए । उनै सुदिलले खेल सकिन लगभग एक मिनेट बाँकी रहँदा गोल थपेका हुन् । फाइनल खेलको म्यान अफ दि म्याच पनि सुदिल नै भए । उनले १० हजार रुपैयाँ पुरस्कार पाए ।

प्रतियोगिताको उत्कृष्ट खेलाडी एपीएफका हरि कार्की घोषित भए । त्यसैगरी सात गोल गरेका भरतपुर फुटबल क्लबका युवा खेलाडी राज भुषालले सर्वाधिक गोलकर्ताको पुरस्कार पाए । उत्कृष्ट गोल रक्षक आर्मीका विवश चौधरी भए । प्रतियोगिताका उत्कृष्ट खेलाडीले २० हजार रुपैयाँ नगद पुरस्कार पाए । चितवन–२ का निवर्तमान सांसद कृष्णभक्त पोखरेलले विजयी टिम तथा खेलाडीहरुलाई पुरस्कार वितरण गरेका थिए ।

भरतपुर फुटबल क्लबको आयोजनामा भदौ २५ गते शनिबारदेखि प्रतियोगिता सुरु भएको थियो । प्रतियोगितामा अफ्रिकन टोली एभिनर फुटबल क्लब, भारत बिहार मोतिहारीको टोलीसहित १० टिमले प्रतिस्पर्धा गरेका थिए । यो प्रतियोगिता चितवनमा सञ्चालित अहिलेसम्मको सवैभन्दा धेरै पुरस्कार राशिको प्रतियोगिता भएको इसुजु चितवन गोल्डकप–२०७९ का संयोजक ध्रुव भुषालले बताएका छन् ।

प्रकाशित : आश्विन ३, २०७९ २०:०६
पूरा पढ्नुहोस्
प्रतिक्रिया
पठाउनुहोस्
×