पहिरोले टोखा-छहरे सडक अवरुद्ध 

शिवपुरी गाउँपालिका ६ नुवाकोटको गुर्जेभञ्ज्याङमा बुधबार दिउँसो करिब सवा ४ बजे सैनिक चेकपोस्टभन्दा करिब २० मिटर अगाडि सडक माथिबाट पहिरो झर्दा बाटो अवरुद्ध भएको अस्थायी प्रहरी पोस्ट गुर्जेभन्ज्याङका प्रहरी सहायक निरीक्षक हेम शर्मा पौडेलले जानकारी दिए ।

उनका अनुसार पहिरो गएपछि दुवैतर्फ सवारी साधन रोकिएका छन् । बाटो खुलाउन गुरुङगाउँबाट डोजर आउने क्रममा रहेको प्रहरी सहायक निरीक्षक पौडेलले बताए । त्यस क्षेत्रमा अहिले सिमसिम पानी परिरहेको छ ।