मध्यपहाडी राजमार्गको खुर्कोट-घुर्मी खण्ड अवरुद्ध- वाग्मती - कान्तिपुर समाचार
कान्तिपुर वेबसाईट
AdvertisementAdvertisement

मध्यपहाडी राजमार्गको खुर्कोट-घुर्मी खण्ड अवरुद्ध

राजकुमार कार्की

सिन्धुली — सुख्खा पहिरो खसेर अवरुद्ध मध्यपहाडी राजमार्ग अझै खुलेको छैन । सिन्धुलीको खुर्कोट–घुर्मी सडकखण्ड अन्तर्गत गोलञ्जोर गाउँपालिका–१ डुडभन्ज्याङ कुडुलेमा सुख्खा पहिरो खस्दा बुधबार बिहानबाट अवरुद्ध भएको राजमार्ग खुलाउन नसक्दा सयौं सवारी साधन र यात्रुहरू बीचबाटोमै अलपत्र परेका छन् ।

कुडुलेमा पहिरो खस्दा यसअघि पनि सडक अवरुद्ध हुने गरेको थियो ।

निरन्तर पहिरो खसेपछि राजमार्ग अवरुद्ध हुँदा सयौं सवारी साधनहरू रोखिएको जिल्ला प्रहरी कार्यालयका प्रहरी उपरीक्षक विमलराज कँडेलले जानकारी दिए ।

इलाका प्रहरी कार्यालय खुर्कोट र गोलन्जोर गाउँपालिकाको टोलीले डोजर लगेर पहिरो पन्छाउने काम गरिरहेको छ । पहिरो झर्ने क्रम नरोकिएकाले पन्छाउने कार्यमा कठिनाइ उत्पन्न भएको गोलञ्जोर गाउँपालिकाका उपाध्यक्ष ज्वालाप्रसाद न्यौपानेले बताए ।

प्रकाशित : भाद्र २२, २०७९ १६:४८
प्रतिक्रिया
पठाउनुहोस्

दोहोरो अंकले घटेको सेयर बजारमा कारोबार ८२ करोडमै खुम्चियो

कान्तिपुर संवाददाता

काठमाडौँ — बुधबार पनि सेयर बजारको परिसूचक नेप्से दोहोरो अंकले घटेको छ । परिसूचक दोहोरो अंकमा घट्दा कारोबार रकम भने ८२ करोड ६२ लाखमा खुम्चिएको छ । ११.९७ अंक घटेसँगै परिसूचक १९३९ अंकमा कायम भएको छ । कुल ३१ कम्पनीको मूल्य बढ्दा १४७ को घट्यो भने १० को स्थिर रह्यो । 

बैंकिङ ५, विकास बैंक ३७, फाइनान्स ११, होटल तथा पर्यटन २१, जलविद्युत् २१, जीवन बीमा ३६, उत्पादन ४, माइक्रोफाइनान्स ३२, निर्जीवन बीमा ३३, अन्य ७ र ब्यापार उपसमूह ४६ अंक घटे । सनराइज म्युचुअल फण्डको मूल्य सबैभन्दा धेरै ७.७ तथा अपर हेवाखोलाको मूल्य ६.३ प्रतिशत बढ्यो । कारोबार रकमका आधारमा नेपाल टेलिकम, हिमालयन एभरेस्ट इन्स्योरेन्स, रिडी पावर, नेस्डो लघुवित्त र नबिल बैंक क्रमश: अगाडि रहे । बजारको कुल पुँजीकरण २७ खर्ब ८२ अर्बमा झरेको छ ।


प्रकाशित : भाद्र २२, २०७९ १६:४८
पूरा पढ्नुहोस्
प्रतिक्रिया
पठाउनुहोस्
×