सिन्धुपाल्चोकमा बुहारीको कुटाइबाट ससुराको मृत्यु

जिल्ला प्रहरी नायब उपरीक्षक शिव बुढाथोकीकाअनुसार लामालाई घरायसी विषयमा बाझाबाझ हुँदा बुहारी २३ वर्षीया रिता तामाङले आइतबार काठको चिर्पटले कुटपिट गरेकी थिइन् । त्यसलगत्तै वृद्ध लामा गम्भीर घाइते भएका थिए ।

टाउकोसहित शरीरभर चोट लागेपछि उनलाई तत्काल उपचारार्थ स्थानीय खार्चुङ सामुदायिक स्वास्थ्य चौकीमा लगिएको थियो । ‘बुहारीबाट कुटिएका उनलाई खार्चुङकै स्वास्थ्य संस्थामा उपचार हुँदै थियो, आज लामाको मृत्युको दुखद् खबर पाइएको छ,’ डीएससी बुढाथोकीले भने । लामालाई कुटपिट गर्ने बुहारी रितालाई नियन्त्रणमा लिएर घटनाबारे थप अनुसन्धान अघि बढाइएको उनले जनाए ।