त्रिशूलीमा ट्रक खस्यो

नदीमा खसेको ट्रकको ढोकाको भाग र शिशाहरू नदी किनारमा छिरोलिएको चितवन जिल्ला प्रहरी कार्यालयका प्रवक्ता डीएसपी नरहरि अधिकारीले जानकारी दिए । इँटाहरू पनि खसेको हुँदा ट्रकले इँटा बोकेको हुन सक्ने उनले बताए । ट्रकमा कतिजना थिए भन्ने बारेमा पनि केही जानकारी नखुलेको उनले बताए ।

मुग्लिन कटेर धादिङतर्फ जाँदै गरेको ट्रक नदीमा खस्यो भन्ने जानकारी प्राप्त भएपछि प्रहरी घटनास्थलतर्फ गएको थियो । अहिलेसम्म ट्रक नम्बर पनि नखुलेको पनि प्रहरीले जनाएको छ ।