रिचार्ज पोखरी फुट्दा १० भन्दा बढी घरमा क्षति- वाग्मती - कान्तिपुर समाचार

रिचार्ज पोखरी फुट्दा १० भन्दा बढी घरमा क्षति

केदार शिवाकोटी

दोलखा — भीमेश्वर नगरपालिका–३ मा रहेको रिचार्ज पोखरी फुटेर आएको बाढीले १० भन्दा बढी घरमा क्षति पुर्‍याएको छ । आइतबार परेको अविरल वर्षासँगै माथिल्लो क्षेत्रको खोरथली सामुदायिक वनमा रहेको रिचार्ज पोखरी फुटेर मऱ्याङ खोलामा आएको बाढीले भीमेश्वर नगरपालिका–२ र ३ का १० भन्दा बढी घरमा क्षति पुर्‍याएको प्रहरीले जनाएको छ ।


मऱ्याङ खोलाले कटान गरेपछि घरहरु जोखिममा परेका छन् । आइतबार राति बाढी आएलगत्तै स्थानीयले घर छाडेका थिए । बाढीले गरेको क्षतिको विस्तृत विवरण संकलन भैरहेको प्रहरीले जनाएको छ ।

यस्तै आइतबार रातिकै अविरल वर्षासँगै खसेको पहिरोले विगु गाउँपालिका-४ खोलिखिम बजारको दुईवटा घर पुरेको छ । २० भन्दा बढी घर जोखिममा परेका छन् भने लादुक-बलुङ सडक पहिराले बगाएको छ । यसैगरी कालिञ्चोक गाउँपालिका-१ मा परिहोले सडक बगाएको वडाध्यक्ष पदम थामीले बताए ।

प्रकाशित : श्रावण २३, २०७९ ०८:०४
प्रतिक्रिया
पठाउनुहोस्

भारतसँग वेस्ट इन्डिज ८८ रनले पराजित

एजेन्सी

लउडरहिल, अमेरिका — भारतले पाँचौं तथा अन्तिम टी–२० शृंखलामा आइतबार वेस्ट इन्डिजलाई ८८ रनले हराएको छ । सुरुमा ब्याटिङ पाएको भारतले वेस्ट इन्डिजलाई ८८ रनले हराएको हो । यससँगै भारतले पाँच खेलमा ४–१ को जित निकालेको छ ।

भारतले २० ओभरमा सात विकेट लिँदै १८८ रन बनाएको थियो । सबैभन्दा धेरै रन बनाएका श्रेयस आइयरले ४० बलमा ६४ रन लिएका थिए । जवाफमा वेस्ट इन्डिजले १ सय रन बनाएर अलआउट भएको हो । वेस्ट इन्डिजका लागि शिमरोन हेटमायरले धेरै ५६ रन बनाए ।

भारतका लागि अक्षर पटेल, रवि बिश्नोई र कुलदीप यादवले सानदार खेल खेलेका थिए । खेलमा अक्षर र कुलदीपले ३–३ विकेट लिएका थिए । अक्षर पटेलले म्यान अफ दि सिरिजको उपाधि पाएका थिए ।

प्रकाशित : श्रावण २३, २०७९ ०८:०३
पूरा पढ्नुहोस्
प्रतिक्रिया
पठाउनुहोस्
x
×