डेंगु नियन्त्रण गर्न ‘स्प्रे’- वाग्मती - कान्तिपुर समाचार
कान्तिपुर वेबसाईट
AdvertisementAdvertisement

डेंगु नियन्त्रण गर्न ‘स्प्रे’

कान्तिपुर संवाददाता

हेटौंडा — हेटौंडा उपमहानगरमा डेंगुको संक्रमण बढ्दै गएपछि नियन्त्रण गर्न स्प्रे गर्न थालिएको छ । उपमहानगरको ४ र ५ नम्बर वडाका विभिन्न क्षेत्रमा डेंगुको संक्रमण बढ्दै गएपछि बिहीबारदेखि स्प्रे गर्न थालिएको हो । 

उपमहानगरको आयुर्वेद तथा जनस्वास्थ्य प्रवर्द्धन शाखाका जनस्वास्थ्य अधिकृत भोला चौलागाईंका अनुसार लामखुट्टेका लार्भा तथा अन्य जीवाणु नष्ट गर्ने गरी ‘डाइथाल कार्वसेट’ पानीमा मिसाएर छरिएको छ ।

‘संक्रमण फैलन नदिन जनस्तरमा मट्टीतेलको प्रयोग गरी लार्भा नष्ट गर्न सचेतनासँगै बढी जोखिम रहेको क्षेत्रमा उपमहानगरले स्प्रे गर्न थालेको हो,’ उनले भने । हेटौंडा–४ र ५ नम्बर क्षेत्रमा डेंगुका बिरामी देखिएका छन् ।

प्रकाशित : श्रावण २१, २०७९ ०७:३६
प्रतिक्रिया
पठाउनुहोस्

आर्सनलले लियो विजयी सुरुआत

एएफपी

लन्डन — आर्सनलले इंग्लिस प्रिमियर लिगको ३० औं संस्करणको पहिलो खेलमा शुक्रबार विजयी सुरुआत लिएको छ । पोहोरको सिजनको खराब सुरुआत नदोहोर्‍याई आर्सनलले क्रिस्टल प्यालेसलाई २–० ले पराजित गरेको हो ।

गत वर्ष आर्सनल सिजनको पहिलो लिग खेलमा ब्रेन्टफोर्डसँग पराजित भएको थियो र यससँगै उसले ६७ वर्षयताको सबैभन्दा खराब सुरुआतको क्रम बेहोरेको थियो ।

यसपल्ट प्यालेसको मैदानमा भएको खेलमा मिखेल आर्टेटाको आर्सनका लागि ग्याब्रिएल मार्टिनेलीले पहिलो हाफको २० औं मिनेटमा हेडबाट पहिलो गोल गरे । त्यसपछि मार्क गुहीले आत्मघाती गोल गरे ।

लिगका पछिल्ला १० खेलमध्ये पाँचमा हार सामना गरेपछि शीर्ष चारको स्थान गुमाएको आर्सनलले नयाँ सिजनका लागि १० करोड पाउन्डभन्दा बढी नयाँ खेलाडीमा खर्च गरेको छ र प्रशिक्षक आर्टेटमा विश्वास कायम राखेको छ ।

प्रकाशित : श्रावण २१, २०७९ ०७:२९
पूरा पढ्नुहोस्
प्रतिक्रिया
पठाउनुहोस्
×