नुवाकोट — नुवाकोटको बेलकोटगढी नगरपालिका १२ मा खोलाले बगाएर एक महिलाको मृत्यु भएको छ । मंगलबार साँझ ५५ वर्षीया सुकुमई तामाङको बेलकोटखोला तर्ने क्रममा खोलाले बगाएर मृत्यु भएको जिल्ला प्रहरी कार्यालयका सूचना अधिकारी एवं डीएसपी रुपक खड्काले बताए ।
उनलाई खोलाले १ किलोमिटर तल रैकरेचौतिस भन्ने स्थानमा मृत फेला परेकी थिइन् । उनको शव पोस्टमार्टमका लागि जिल्ला अस्पताल त्रिशूली ल्याइएको छ ।
उनी वडा नम्बर १२ की एमालेबाट निर्वाचित महिला सदस्य समेत भएको एमाले केन्द्रिय सदस्य विन्दा ढुंगानाले जनाइन् ।