वाग्मती प्रदेश सभाको अधिवेशन अन्त्य
मकवानपुर — वाग्मती प्रदेश सभाको दसौं अर्थात बजेट अधिवेशन अन्त्य भएको छ ।
वाग्मती प्रदेश सरकारको सिफारिसमा प्रदेश प्रमुख यादव शर्माले सोमबार राति १२ बजेदेखि लागू हुने गरी अन्त्य गरेका हुन् । प्रदेश सभा सचिवालयका सचिव कृष्णहरी खड्काले प्रदेश सभाको दसौं अधिवेशन अन्त्य भएको जानकारी गराएका थिए ।
वर्षे अधिवशेनले चालु आर्थिक वर्ष नीति, कार्यक्रम तथा बजेट पारित गरेको छ । प्रदेश सभाको सोमबार बैठकले विभूषण सिफारिस तथा सम्मान र पदक सम्बन्धी ऐन २०७६ लाई संशोधन गर्न बनेको विधेयक सर्वसम्मतिले स्वीकृत गरेको थियो ।
अधिवेशनको अन्त्यसँगै सभामुख सानुकुमार श्रेष्ठ र उपसभामुख राधिका तामाङले मंगलबार दिउँसो पत्रकार सम्मेलन आयोजना गरेका छन् ।
प्रकाशित : श्रावण १०, २०७९ ०८:४३प्रतिक्रिया