वाग्मतीका मुख्यमन्त्री पाण्डेविरुद्ध माओवादी र कांग्रेसको हस्ताक्षर संकलन- वाग्मती - कान्तिपुर समाचार

वाग्मतीका मुख्यमन्त्री पाण्डेविरुद्ध माओवादी र कांग्रेसको हस्ताक्षर संकलन

बजेट पास भएसँगै मन्त्री फिर्ता बोलाउने तयारी
सुवास विडारी

मकवानपुर — प्रदेश सभाबाट बजेट पास भएसँगै मुख्यमन्त्री परिवर्तन गर्न सत्तारुढ गठबन्धनकै नेपाली कांग्रेस र माओवादी केन्द्रका सांसदहरुको हस्ताक्षर संकलन सुरु गरिएको छ । वाग्मती प्रदेशका मुख्यमन्त्री राजेन्द्र पाण्डेले केन्द्रको निर्देशन बिना सहजै मुख्यमन्त्रीको पद नछोड्ने बताएपछि कांग्रेस र माओवादीले आफ्ना सांसदहरुको हस्ताक्षर संकलन गर्न सुरु गरेको हो ।

सत्तारुढ गठबन्धनको पूर्वसहमति चुनावी सरकारको नेतृत्व नेपाली कांग्रेसले गर्ने भन्ने थियो । सोही समझदारीमा नेकपा (एकीकृत) समाजवादी संसदीय दलका नेता पाण्डे मुख्यमन्त्री बनेका थिए । आर्थिक वर्ष २०७८/०७९ को बजेट पास भएपछि पूर्वसहमतिअनुसार नै नेपाली कांग्रेस संसदीय दलका नेता इन्द्रबहादुर बानियाँ सत्तारोहणको तयारीमा छन् ।

पाण्डे गत कात्तिक ११ गते ६ महिनापछि नेतृत्व छाड्ने गरी नेपाली कांग्रेस, नेकपा माओवादी केन्द्र, जसपा र नेकपा (एस) को समर्थनमा मुख्यमन्त्री बनेका थिए । उनलाई माओवादी २३, नेपाली कांग्रेस २२, नेकपा (एस) १३ र जसपाको एकसहित ५९ सांसदको समर्थन रहेको थियो ।

कांग्रेसले सहमति अनुसार सहजै आफूले सत्ता प्राप्त गर्नुपर्ने माग गरेपनि मुख्यमन्त्री पाण्डे भने केन्द्रीय नेतृत्वको निर्देशनपछि मात्र पछाडि हट्ने भनेर पन्छिएपछि हस्ताक्षर संकलन गरिएको एक सांसदले जानकारी दिए । ‘सहमति अनुसार मुख्यमन्त्रीले सहजै सत्ता नछाड्ने देखियो । त्यसकारण यस्तो गर्नु परेको हो,’ उनले भने । उनले हाल माओवादी र कांग्रेसबाट मन्त्रिपरिषद्‌मा सहभागी मन्त्री तथा राज्यमन्त्री समेत फिर्ता बोलाउने तयारी भइरहेको उनले बताए ।

‘आज बजेट पास भएपछि सबै प्रक्रिया अगाडि बढ्छ’, उनले भने । स्रोतका अनुसार माओवादी सांसदको हस्ताक्षर सांसद युवराज दुलालले संकलन गरेका थिए । मुख्यमन्त्री पाण्डेले कांग्रेस नेता बानियाँसँग आधा–आधा समय मुख्यमन्त्री बन्ने सहमति पत्र नै गरेका थिए । तत्कालीन समयमा नेपाली कांग्रेस केन्द्रीय प्रवक्ता प्रकाशरण महतको उपस्थितिमा कांग्रेस र नेकपा एसबीच सहमति भएको थियो ।

केन्द्र सरकारले निर्वाचन आयोगको सुझाव अनुसार असारको अन्तिम सातासम्ममा प्रदेश र संघको निर्वाचनको मिति तोक्ने सम्भावना रहेका कारण त्यसअघि नै यस विषयको टुंगो लाग्ने उनको दाबी छ ।

प्रकाशित : असार १६, २०७९ १३:४७
प्रतिक्रिया
पठाउनुहोस्

एनआईसी एसिया बैंकको मुद्दती योजनामा १० गुणासम्म रकम पाइने

कान्तिपुर संवाददाता

काठमाडौँ — एनआईसी एसिया बैंकले निक्षेप रकममा १० गुणासम्म पाइनेगरी उच्चतम ब्याजदर सहितको नवीनतम ‘एनआईसी एसिया सर्वश्रेष्ठ १० गुणा मुद्दती योजना’ सार्वजनिक गरेको छ । यस आकर्षक योजना व्यक्तिगत, संस्थागत एवम् रेमिट्यान्स ग्राहकलाई लक्षित गरी ल्याइएको छ । 

हाललाई छोटो अवधिसम्म लागू हुने यो योजनामा निक्षेपकर्ताले ५ वर्ष १० महिनादेखि १९ वर्ष १० महिनासम्म मुद्दती खातामा रकम जम्मा गरे अनुुसार डबल देखि १० गुणासम्म निक्षेप रकम फिर्ता पाउनेछन् । निक्षेपकर्ताले आफूले निक्षेप गरेको रकमको ८० प्रतिशत बराबर रकम कर्जा समेत लिन सक्ने बैंकले जनाएको छ । देशभर बैंकका ३५९ शाखा कार्यालय, ४७३ एटीएम, १०२ वटा विस्तारित काउन्टर एवं ८१ वटा शाखा रहित बैंकिङ इकाइ सञ्चालनमा छन् । यस्ता छन् बैंकले ल्याएको मुद्दतीमा १० गुणासम्म रकम पाइने अवधि :

योजना

व्यक्तिगत

संस्थागत

रेमिट्यान्स

२ गुणा

६ वर्ष ४ महिना २५ दिन

७ वर्ष २ महिना २७ दिन

५ वर्ष १० महिना १४ दिन

३ गुणा

१० वर्ष २ महिना १४ दिन

११ वर्ष ८ महिना ९ दिन

९ वर्ष ४ महिना १० दिन

४ गुणा

१२ वर्ष ११ महिना २ दिन

१४ वर्ष १० महिना २९ दिन

११ वर्ष १० महिना ७ दिन

५ गुणा

१५ वर्ष ० महिना १३ दिन

१७ वर्ष ५ महिना ९ दिन

१३ वर्ष ९ महिना १५ दिन

६ गुणा

१६ वर्ष ९ महिना ६ दिन

१९ वर्ष ६ महिना ७ दिन

१५ वर्ष ४ महिना १७ दिन

७ गुणा

१८ वर्ष २ महिना २४ दिन

२१ वर्ष ३ महिना १३ दिन

१६ वर्ष ८ महिना २१ दिन

८ गुणा

१९ वर्ष ६ महिना १ दिन

२२ वर्ष ९ महिना २६ दिन

१७ वर्ष १० महिना २० दिन

९ गुणा

२० वर्ष ७ महिना १५ दिन

२४ वर्ष २ महिना ५ दिन

१८ वर्ष ११ महिना १ दिन

१० गुणा

२१ वर्ष ७ महिना १७ दिन

२५ वर्ष ४ महिना २३ दिन

१९ वर्ष १० महिना २ दिन


प्रकाशित : असार १६, २०७९ १३:४२
पूरा पढ्नुहोस्
प्रतिक्रिया
पठाउनुहोस्
×