नुवाकोटमा मूल्यवृद्धिको विरोधमा विद्यार्थीको मसाल जुलुस - वाग्मती - कान्तिपुर समाचार
कान्तिपुर वेबसाईट
AdvertisementAdvertisement

नुवाकोटमा मूल्यवृद्धिको विरोधमा विद्यार्थीको मसाल जुलुस 

कृष्ण थापा

नुवाकोट — पेट्रोलियम पदार्थमा भएको मूल्यवृद्धिको विरोधमा नुवाकोटमा एमाले निकट विद्यार्थी संगठनले विरोध प्रदर्शनसहित मसाल जुलुस निकालेको छ  ।

मंगलबार साँझ अनेरास्ववियुले पार्टी कार्यालय विदुरदेखि लोकतान्त्रिक चोकसमेत मसाल जुलुस निकालेको थियो । उनीहरुले पेट्रोलियम पदार्थको मूल्यवृद्धि खारेज गर, महँगी नियन्त्रण गर भन्दै सरकारको राजीनामासमेत मागेका थिए ।

अनेरास्ववियुका केन्द्रीय सदस्य विष्णुहरि रिमालले सरकारले पेट्रोलियम पदार्थमा गरिएको मूल्यवृद्धि फिर्ता नलिए सशक्त आन्दोलन गर्ने चेतावनी दिए ।


प्रकाशित : असार ७, २०७९ २२:२६
प्रतिक्रिया
पठाउनुहोस्

उडान हडतालमा बुद्ध एयर सहभागी नहुने 

सुरज कुँवर

काठमाडौँ — वायुसेवा सञ्चालक संघले बुधबारदेखि गर्ने उद्धार तथा नियमित उडान बन्द आन्दोलनमा बुद्ध एयर सहभागी नहुने भएको छ । बुद्ध एयरका प्रबन्ध निर्देशक वीरेन्द्रबहादुर बस्नेतले नागरिक उड्डयन प्राधिकरणले वार्ताका लागि आह्वान गरेपछि हड्तालमा सहभागी नभई नियमित उडानमा जाने निर्णय गरेको कान्तिपुरलाई बताए । बुद्ध एयरले काठमाडौंलगायत देशभरका विमानस्थलबाट दैनिक १ सय ४० हाराहारीमा आन्तरिक उडान गर्छ ।

बुद्ध एयरबाहेक आन्तरिक उडानमा तारा, यति, श्री, सौर्य, गुण गरी नौ वटा वायु सेवा छन् । काठमाडौंबाट हुने ३ सय हाराहारी उडानमा बुद्ध एयरको करिब ६० प्रतिशत हिस्सा छ ।

‘वायुसेवा सञ्चालक संघ’ले मंगलबार पत्रकार सम्मेलन गर्दै पर्याप्त भौतिक पूर्वाधारबिना एकपक्षीय ढंगले १९ वटा वायुसेवा कम्पनीका ९० वटा जहाज र हेलिकोप्टरमध्ये ४३ वटालाई काठमाडौं बाहिर स्थानान्तरण गर्ने निर्णयको विरोध गर्दै बुधबारदेखि आन्तरिक तर्फका नियमित र चार्टर हेलिकोप्टर उडान अनिश्चितकालका लागि बन्द गर्ने निर्णय गरेको थियो ।

यसैबीच, नेपाल नागरिक उड्ड्यन प्राधिकरणले विद्यमान अवस्थामा हवाई सेवा स्थगनको घोषणा गैरकानुनी रहेको भन्दै निर्वाध रुपमा सञ्चालन गर्न आग्रह गरेको छ ।

वायु सेवा सञ्चालक संघले आपतकालीन उद्धारलगायत नियमित उडान बुधबारदेखि स्थगित गर्ने बताएपछि प्राधिकरणले मंगलबार राति विज्ञप्ति निकालेर हवाई सेवा निर्बाध रुपमा सञ्चालन गर्नु/गराउन सम्बन्धित निकायलाई आग्रह गरेको हो । प्राधिकरणले कानुन कार्यान्वयनसँग सम्बन्धित गुनासोका विषयमा छलफल/वार्ताद्वारा निष्कर्षमा पुग्न सकिने समेत प्रस्ट पारेको छ ।


प्रकाशित : असार ७, २०७९ २२:०९
पूरा पढ्नुहोस्
प्रतिक्रिया
पठाउनुहोस्
×