नुवाकोटमा मूल्यवृद्धिको विरोधमा विद्यार्थीको मसाल जुलुस
नुवाकोट — पेट्रोलियम पदार्थमा भएको मूल्यवृद्धिको विरोधमा नुवाकोटमा एमाले निकट विद्यार्थी संगठनले विरोध प्रदर्शनसहित मसाल जुलुस निकालेको छ ।
मंगलबार साँझ अनेरास्ववियुले पार्टी कार्यालय विदुरदेखि लोकतान्त्रिक चोकसमेत मसाल जुलुस निकालेको थियो । उनीहरुले पेट्रोलियम पदार्थको मूल्यवृद्धि खारेज गर, महँगी नियन्त्रण गर भन्दै सरकारको राजीनामासमेत मागेका थिए ।
अनेरास्ववियुका केन्द्रीय सदस्य विष्णुहरि रिमालले सरकारले पेट्रोलियम पदार्थमा गरिएको मूल्यवृद्धि फिर्ता नलिए सशक्त आन्दोलन गर्ने चेतावनी दिए ।
प्रतिक्रिया
