जिसस मकवानपुरमा गठबन्धनका घलान विजयी

जिसस उपप्रमुख र दलित तथा अल्पसंख्यक सदस्य भने निर्विरोध भएका थिए । गठबन्धनको तर्फबाट उपप्रमुखमा उम्मेदवारी दिएका नेपाली कांग्रेसका सानुकाजी लुइँटेल र नेकपा एकीकृत समाजवादीकी सुनिता परियार निर्विरोध निर्वाचित भएका हुन् ।

जिसस सदस्यतर्फ गठबन्धनका उम्मेदवारहरु निर्वाचित भएका छन् । महिला सदस्यमा तारा ढुंगाना, विष्णुमाया थपलिया र सुमित्रा थिङले १७ मत प्राप्त गर्दै निर्वाचित भएका छन् । उनीहरु कांग्रेसबाट उम्मेदवार बनेका थिए । एमालेबाट उम्मेदवार बनेका विनाकुमारी थिङ लामाले ३ मत प्राप्त गरिन् ।

सदस्य तर्फमा खड्गबहादुर पुलामी, सुवर्ण गोपाली र वीरेन्द्रकुमार लामा निर्वाचित भएका छन् । पुलामी र गोपालीले १७ मत प्राप्त गरेका छन् । उनीहरु माओवादी केन्द्रबाट उम्मेदवार बनेका थिए । नेकपा (एस)बाट उम्मेदवार बनेका लामाले १६ मत प्राप्त गरेका थिए । एमालेका उम्मेदवार तोयानाथ तिमल्सिनाले ३ मत प्राप्त गरेका छन् ।

मकवानपुरमा हेटौंडा उपमहानगरपालिका, थाहा नगरपालिका र ८ वटा पालिका रहेका छन् । सबै पालिकाको प्रमुख र उपप्रमुख गरी कुल २० जनाले जिससका लागि मतदान गरेका थिए । जसमा कांग्रेसका ९, माओवादी केन्द्रका ७, एमालेका ३ र एकीकृत समाजवादीको १ जना मतदाता छन् ।