मल नपाएपछि आन्दोलनको चेतावनी

मल, बीउबिजन लगायतका आधारभूत वस्तु उपलब्ध नहुँदा कृषकहरू मारमा परेको केन्द्रले बुझाएको ज्ञापनमा उल्लेख छ । रसायनिक मलको समस्या तत्काल समाधान नभए आन्दोलनमा जान बाध्य हुने उनीहरूको चेतावनी छ ।

मलको कारोबार गर्दै आएको कृषि सामग्री कम्पनी लिमिटेडको धुलिखेलस्थित गोदाम र साल्ट ट्रेडिङ कर्पोरेसनको बनेपास्थित गोदाम खाली छ । कृषि सामग्रीका धुलिखेल शाखा प्रमुख वासुदेव शर्माले यसअघि नै भागबन्डा गरिएका १०–१५ वटा सहकारीले लान बाँकी रहेका करिब १६ सय बोरा मलबाहेक अरू मल मौज्दात नभएको बताए । वैशाखमा २ पटक गरेर आएको मलमध्येबाटै काभ्रे, दोलखा, रामेछाप र सिन्धुपाल्चोकका ४ सय सहकारीमार्फत बिक्री गरिएको उनको भनाइ छ ।