रहेनन् सिन्धुलीका ‘खोज’ बा

जेष्ठ १९, २०७९राजकुमार कार्की

सिन्धुली — खोज आन्दोलनका अभियन्ता भिमबहादुर थापाको निधन भएको छ । ४४ वर्ष अघिदेखि देशभर ‘खोज’ अभियान चलाएका सिन्धुलीको गोलन्जोर गाउँपालिका ७ माथिल्लो बाराका थापाको १०३ वर्षको उमेरमा निधन भएको हो ।

२०३५ सालेदेखि उनी खोज अभियानमा लागेका थिए । उनको बिहीबार अन्त्येष्टी गरिएको परवारले जनाएको छ । जीवनको लक्ष्य नै खोज हुनुपर्ने उनको मान्यता थियो । देशभरका टोल, बिजुलीका पोल, सडकका भित्तामा खोज लेखेर थापाले सन्देश छाड्ने गरेका थिए ।