सिन्धुलीबाट बेपत्ता पुरुषको शव तामाकोसी किनारमा फेला- वाग्मती - कान्तिपुर समाचार

सिन्धुलीबाट बेपत्ता पुरुषको शव तामाकोसी किनारमा फेला

केदार सिवाकोटी

दोलखा — एक सातादेखि बेपत्ता भएका सिन्धुलीको कमलामाई नगरपालिका–७ का ओमकुमार मोक्तानको शव तामाकोशी किनारमा फेला परेको छ ।

जेठ १३ गतेबाट बेपत्ता भएका ५४ वर्षीय मोक्तानको शव बुधबार साँझ तामाकोसी गाउँपालिका–५ किर्नेटार नजिकै तामाकोसी किनारमा फेला परेको प्रहरीले जनाएको छ ।

बेपत्ता भएका उनको आफन्तले खोजी गरिरहेका थिए । प्रहरीले तामाकोसी किनारमा शव फेलापरेपछि पहिचानका लागि आफन्तलाई आग्रह गरेको थियो । आफन्तले शवको पहिचान गरेको प्रहरी निरीक्षक राजेश सिग्देलले बताए । घटनाका बारेमा थप अनुसन्धान भइरहेको उनले बताए ।

प्रकाशित : जेष्ठ १९, २०७९ १८:१०
प्रतिक्रिया
पठाउनुहोस्

दोलखाको गौरीशंकरमा एक युवक मृत फेला

केदार सिवाकोटी

दोलखा — दोलखाको गौरीशंकर गाउँपालिका–३ का वडाध्यक्षमा उमेदवार बनेका दिलबहादुर बस्नेतका छोरा मृत अवस्थामा फेला परेकाछन् ।  मंगलबार साँझबाट सम्पर्कविहीन बनेका २४ वर्षीय यानबहादुर बस्नेत बुधबार बिहान घर शंकास्पद रूपमा रुखमा झुन्डिएको अवस्थामा फेला परेको प्रहरीले जनाएको छ ।


उनी झ्याकुको सर्सेपु विद्यालयकोनजिकै काफलको रुखमा झुन्डिएको अवस्थामा फेला परेका हुन् । उनी मानेडाँडा माध्यमिक विद्यालयका लेखापालसमेत हुन् ।

घटनाको अनुसन्धानका लागि इलाका प्रहरी कार्यालय सिंगटीबाट प्रहरी निरीक्षकको टोली घटनास्थल पुगेर प्रारम्भिक अनुसन्धान सुरु गरेका जिल्ला प्रहरी कार्यालय दोलखाका प्रवक्ता प्रहरी निरीक्षक सुशील केसीले बताए ।

प्रकाशित : जेष्ठ ११, २०७९ ११:१६
पूरा पढ्नुहोस्
प्रतिक्रिया
पठाउनुहोस्
×