राप्रपा नेपाल वाग्मती प्रदेश अध्यक्षमा खत्री - वाग्मती - कान्तिपुर समाचार
कान्तिपुर वेबसाईट
AdvertisementAdvertisement

राप्रपा नेपाल वाग्मती प्रदेश अध्यक्षमा खत्री 

कान्तिपुर संवाददाता

हेटौंडा — राप्रपा नेपाल वाग्मती प्रदेशको अध्यक्षको जिम्मेवारी माधव खत्रीले पाएका छन् । हेटौंडामा जारी वाग्मती प्रदेशस्तरीय अगुवा कार्यकर्ता भेलाको क्रममा प्रदेश अध्यक्षको जिम्मेवारी खत्रीलाई प्रदान गरिएको हो ।

पार्टीका अध्यक्ष कमल थापाले खत्रीलाई जिम्मेवारी दिँदै बधाईसहित शुभकामना दिएका छन् ।

जिम्मेवारी प्राप्त खत्री भक्तपुर जिल्ला अध्यक्षको जिम्मेवारीमा थिए । उनी विद्यार्थीकालदेखि नै राजनीतिमा संलग्न थिए । प्रदेश अध्यक्षको जिम्मेवारी पाएपछि खत्रीले वाग्मती प्रदेशमा राप्रपा नेपालको बलियो संगठन बनाउन आफूले कुनै कसर बाँकी नराख्ने प्रतिबद्धता व्यक्त गरे ।

प्रकाशित : जेष्ठ १९, २०७९ १०:४१
प्रतिक्रिया
पठाउनुहोस्

नेपालगन्जमा प्रहरी र पूर्वराजा वीरेन्द्रको सालिक राख्न आएकाबीच झडप

स्थिति तनावपूर्ण, प्रहरीद्वारा हवाइ फायर
रुपा गहतराज

बाँके — नेपालगन्जको धम्बोजी चोकमा राजावादीहरुको समूहले प्रहरीमाथि ढुंगामुढा गरेपछि स्थिति तनावपूर्ण भएको छ ।

पूर्वराजा वीरेन्द्र शाहको सालिक राख्न प्रहरीले रोकिरहँदा उनीहरुले ढुंगामुढा गर्न थालेका थिए । स्थिति नियन्त्रणमा लिन प्रहरीले करिब ४ राउन्ड हवाइ फायर चलाएको छ ।

झडपमा एक दर्जनभन्दा बढी प्रहरी सामान्य घाइते भएका छन् । अहिले थप सुरक्षाका लागि सशस्त्र प्रहरी पनि परिचालित भएको बाँकेका डिएसपी मधुसूदन न्यौपानेले कान्तिपुरलाई जानकारी दिए ।

यसैबीच उनीहरुले सेतु विक चोकमा रहेको सेतु विकको सालिकमा समेत क्षति पुर्‍याएका छन् । अहिले पनि उनीहरुले त्यहाँका विभिन्न चोकहरुमा प्रहरीलाई ढुकेर ढुंगामुढा गरिरहेको पाइएको छ ।

घटनामा घाइते भएका चार जना प्रहरीलाई अस्पताल भर्ना गरिएको छ । उनीहरुको हात र खुट्टामा चोट लागेको प्रहरीले जानकारी दिएको छ ।

घटनाका बारेमा बुझ्न खोज्दा राजावादी समूहका ऋषिराज देवकोटाले 'गणतन्त्रमा सालिक झिक्न हुने तर आस्थाले सालिक राख्न नमिल्ने ?' भन्दै प्रतिक्रिया दिए ।

प्रकाशित : जेष्ठ १९, २०७९ १०:२८
पूरा पढ्नुहोस्
प्रतिक्रिया
पठाउनुहोस्
x
×