युवकको हत्या आशंकामा दुई जना पक्राउ
दोलखा — दोलखाको गौरीशंकर गाउँपालिका–३ का एक युवकको हत्याको आशंकामा प्रहरीले दुई जनालाई नियन्त्रणमा लिएको छ । बुधबार बिहान २४ वर्षीय यानबहादुर बस्नेतको शव घर नजिकैको जंगलमा शंकास्पद रुपमा रुखमा झुडिएको अवस्थामा फेला परेको थियो । उनको हत्याको आशंकामा दुई जनालाई प्रहरीले नियन्त्रणमा लिएर अनुसन्धान थालेको जिल्ला प्रहरी कार्यालयका प्रवक्त शुसिल केसीले बताए ।
प्रहरीले नियन्त्रणमा लिएकाहरुको परिचय खुलाएको छैन । प्रहरीले हत्या वा आत्महत्या पोष्टमार्टम रिपोर्टपछि मात्रै भन्ने सकिने जनाएको छ । स्थानीयले भने बस्नेतको हत्या गरेर रुखमा झुण्डाएको हुन सक्ने भन्दै अनुसन्धान गर्न प्रहरीलाई आग्रह गरेका छन् ।
मंगलबार साँझबाट सम्पर्कविहीन बनेका बस्नेत बुधबार रुखमा झुडिएको अवस्थामा फेला परेका परेका थिए । सम्फर्कविहीन बनेका उनको खाजी गर्ने क्रममा स्थानीयले झ्याकुको सर्सेपु विद्यालयको नजिकै काफलको रुखमा झण्डिएको अवस्थामा उनको शव फेला परेको थियो । उनी मानेडाँडा माध्यमिक विद्यालयमा लेखापालका रुपमा कार्यरत थिए ।
यसैबीच बुधबार साँझ तामाकोशी गाउँपालिका–१ गोपीखोलामा एक जना पुरुषको शव फेला परेको छ । उक्त शवको पहिचान खुल्न नसकेको प्रहरीले जनाएको छ ।
प्रकाशित : जेष्ठ १२, २०७९ १२:२९