भरतपुरमा हत्या भएका युवक कांग्रेसका प्रतिनिधि

चुनावको प्रचारप्रसारका सिलसिलामा खटिएका आफ्ना प्रतिनिधिको सांघातिक आक्रमणबाट मृत्यु भएको घटनाले नेपाली कांग्रेस चितवनलाई स्तब्ध तुल्याएको सभापति राजेश्वर खनालले जनाएका छन् । कांग्रेसले उक्त घटनाको यथाशीघ्र सत्यतथ्य पत्ता लगाई दोषीमाथि सजायको समेत माग गरेको छ ।

भरतपुर महानगरपालिका–१२ घर भएका अनिल परियार कृष्णपुरमा फुटबल मैदान नजिक आइतबार साँझ पौने आठ बजेतिर घाइते अवस्थामा फेला परेका थिए । उनको शरीरका विभिन्न ठाउँमा धारिलो हतियारले प्रहार गरेको देखिएको र उपचारका क्रममा भरतपुरको चितवन मेडिकल कलेजमा लैजाँदा उनको मृत्यु भएको प्रहरीले जनाएको छ ।