त्रिशूली किनारमा गाडी खस्दा चालकसहित ७ जना घाइते
चितवन — चितवनको ईच्छाकामना गाउँपालिका-६ तीन नम्बर पुलस्थित नारायणगढ-मुग्लिङ सडक खण्डबाट त्रिशूली नदी किनारमा गाडी खस्दा ७ जना घाइते भएका छन् ।
नारायणगढबाट मुग्लिङतर्फ आउँदै गरको बा.१३ च.४३६५ नम्बरको स्कर्पियो शुक्रबार बेलुकी अनियन्त्रित भई दुर्घटनामा परेको हो । सडकबाट पल्टिएर उक्त गाडी करिब ६० मिटर तल त्रिशूली किनारमा पुगेको प्रहरीले जनाएको छ ।
चितवन प्रहरीका अनुसार दुर्घटनामा चालकसहित-७ जना घाइते भएका छन् । उनीहरूको खनाखत हुन बाँकी छ ।
घाइतेहरूलाई उद्धार गरी उपचारका लागि भरतपुर पठाइएको छ ।
प्रकाशित : पुस ३०, २०७८ १९:२६प्रतिक्रिया