कार र मोटरसाइकल ठोक्किँदा एकको मृत्यु, ७ घाइते
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
झापा — झापाको शिवसताक्षी नगरपालिका-१० सैनिक चोकमा शनिबार राति कार र मोटरसाइकल ठोक्किँदा एकको मृत्यु भएको छ भने ७ जना घाइते छन् ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![कार र मोटरसाइकल ठोक्किँदा एकको मृत्यु, ७ घाइते](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/third-party/accident-1312024093851-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
पश्चिमबाट पूर्व तर्फ आइरहेको बा १४ च ६६०३ नम्बरको कार र विपरीत दिशाबाट गइरहेको मे १० प ७२१२ नम्बरको मोटरसाइकल ठोक्किँदा मोटरसाइकल सवार दमक नगरपालिका ९ बस्ने २३ वर्षीय अनुप ढकालको उपचारका क्रममा शनिबार राति पौने ७ बजे मृत्यु भएको जिल्ला प्रहरी कार्यालय झापाले जनाएको छ ।
दुर्घटनामा मोरङको उर्लाबारी-१ का २१ वर्षीय प्रदीप बस्नेत, कार चालक बिर्तामोड नगरपालिका-३ का ५० वर्षीय अनिल कुमार साह, कारमा सवार बिर्तामोड ४ बस्ने ५३ वर्षीय जयप्रकाश साह, कारमा सवार बिर्तामोड-३ बस्ने ४४ वर्षीय रञ्जन साह, सोही स्थानका ५३ वर्षीय ललित साह र नाम वतन नखुलेका २ व्यक्ति घाइते भइ विभिन्न अस्पतालमा उपचाररत रहेको प्रहरीले जनाएको छ।
![](https://assets-cdn.ekantipur.com/uploads/source/ads/900-x-100-0172024023126.gif)