उपाध्यक्षको बाबुको निधनमा गाउँपालिकामा शोक बिदा
ताप्लेजुङ — आठराई त्रिवेणी गाउँपालिकाले उपाध्यक्षका पिताको निधनमा एक दिन शोक बिदा दिएको छ । गाउँपालिका उपाध्यक्ष शान्ताकुमारी आङबोहाङका पिता दिलबहादुर आङबोहाङको मंगलवार बेलुका निधन भएको थियो ।
गाउँपालिकाका निमित्त प्रमुख प्रशासकीय अधिकृत विक्रम गुरुङले बुधबारका लागि शोक बिदाको सूचना जारी गरेका हुन् ।
दिलबहादुर अन्त्येष्टि बुधबार दिउँसो तमोर नदी किनार सोभुवाखोला घाटमा गरिने परिवारले बताएका छन्।
गाउँपालिकाको सूचनामा पालिका कार्यालय, वडा कार्यालय, विद्यालय, आकस्मिक बाहेक स्वास्थ्य कार्यालयबाट सेवा प्रवाह नहुने र शोक बिदा दिएको उल्लेख छ ।
प्रकाशित : आश्विन १०, २०८० १०:४७प्रतिक्रिया