हराएको १४ दिनपछि मृत फेला

जिल्ला प्रहरी कार्यालयका अनुसार उनी चैतको ७ गतेदेखि बेपत्ता थिए । स्थानीयले मंगलबार शव देखेपछि प्रहरीलाई जानकारी गराएका थिए ।

प्रहरी घटनास्थल पुगेर बेवारिसे शवको बारेमा सोधखोज गर्दा नुनबहादुर राईको रहेको पुष्टि भएको हो । थप अनुसन्धानका लागि प्रहरी निरीक्षकको टोली घटनास्थलमा पुगेको छ । अनुसन्धानसँगै शवको पोष्टमार्टमका लागि जिल्ला अस्पताल पठाइने प्रहरीले जनाएको छ ।