धनकुटामा टिपरको ठक्करबाट बालकको मृत्यु

मृत्यु हुनेमा धरान उपमहानगरपालिका-१७ घर भइ चारखोलेमा बस्दै आएका नरेश विश्वकर्माका १० वर्षीय छोरा सुशान विश्वकर्मा रहेको प्रहरीले जनाएको छ । भेडेटारबाट धनकुटातर्फ जाँदै गरेको प्रदेश १–२०–००१ ख ८१३४ नम्बरको टिपरले बिहान पौने ९ बजे सडक छेउमा रहेका बालकलाई ठक्कर दिएको थियो । विश्वकर्माको घटनास्थलमा नै मृत्यु भएको प्रहरीको भनाइ छ ।

टिपरका चालक सरोज सुब्बालाई प्रहरीले नियन्त्रणमा लिएर घटनाबारे थप अनुसन्धान गरिरहेको छ ।