उदयपुरमा जिप दुर्घटना हुँदा १ जनाको मृत्यु‚ ५ घाइते
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
उदयपुर — उदयपुरको कटारी नगरपालिका-१० पालसिंहमा सोमबार बिहान जिप दुर्घटना हुँदा एक जनाको मृत्यु भएको छ भने ५ जना घाइते भएका छन् । ताप्लीको रुपाटारबाट कटारीतर्फ जाँदै गरेको प्र. २–०१–००१ च. ००५० नम्बरको जिप अनियन्त्रित भई सडकबाट करिब सय मिटर तलझरी दुर्घटना हुँदा एक यात्रुको मृत्यु भएको छ । अन्य ५ जना घाइते भएको प्रहरीले जनाएको छ ।
![](https://assets-cdn.ekantipur.com/uploads/source/ads/900x100-1172024092759.gif)
![उदयपुरमा जिप दुर्घटना हुँदा १ जनाको मृत्यु‚ ५ घाइते](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2022/third-party/accident-0212022082207-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
जिपमा सवार ९ यात्रुमध्ये ६ जना घाइते भएको जिल्ला प्रहरी कार्यालय उदयपुरको सूचना अधिकारी प्रहरी नायव उपरीक्षक राकेश पोदारले बताए । घाइतेमध्ये उदयपुर ताप्ली गाउँपालिका-१ का ६५ वर्षीय मीनबहादुर सार्कीको उपचारको क्रममा कटारी अस्पतालमा मृत्यु भएको प्रहरी नायव उपरीक्षक पोदारले बताए ।
घाइते सर्लाहीको लालबन्दीका ३० वर्षीय फडिन्दश श्रेष्ठ, उनकी ७ वर्षीया छोरी भवानी श्रेष्ठ र २ वर्षीया भूमिका श्रेष्ठ, उदयपुरको ताप्ली-५ रुपाटार की २३ वर्षीया सुमित्रा गिरी र ४५ वर्षीय झगडबहादुर विकको कटारी अस्पतालमा उचार भइरहेको छ । शरीरका विभिन्न भागमा चोट लागेका उनीहरुको अवस्था सामन्य रहेको प्रहरी नायव उपरीक्षक पोदारले बताए ।
जिप चालक उदयपुरको ताप्ली-५ खानिडाडाका ३२ वर्षीय ईश्वरनारायण श्रेष्ठ ईलाका प्रहरी कार्यालय कटारीको नियन्त्रनमा रहेको प्रहरीले जनाएको छ ।
![](https://assets-cdn.ekantipur.com/uploads/source/ads/900-x-100-0172024023126.gif)