मझुवागढीमा उधौलीको रौनक- प्रदेश १ - कान्तिपुर समाचार
कान्तिपुर वेबसाईट
AdvertisementAdvertisement

मझुवागढीमा उधौलीको रौनक

डम्बरसिं राई

खोटाङ — तलतल सिमसारैमा ए होइ हलहलेको साग छ स्यामुना

कसको छोरा, कसको छोरी ए होइ तिम्रै माया लाग्छ स्यामुना

ढोल, झ्याम्टाको तालमा गीत गाउँदै दिक्तेल रुपाकोट मझुवागढीको मझुवागढीमा उधौलीको अवसरमा बिहीबार तन्नेरीहरु रमाए । किरात राई यायोक्खा र किरात सेवा समाज खोटाङले संयुक्तरुपमा आयोजना गरेको साकेला सिलीमा किरातीहरु मात्र होइन, गैरकिरातले समेत लहर मिलाएका छन् । किरातीहरुले मसिरे पूर्णिमामा उधौली र वैशाखे पूर्णिमामा उभौली गरी वर्षमा दुई पटक यो सिली नाच्ने गर्दछन् । यो बेला जलचर तथा थलचर जीवजन्तु उधौली लाग्ने भएकाले उधौली र वैशाखे पूर्णिमाको बेला उभौली लाग्ने भएकाले उभौली भनिएको किरात राई यायोक्खाका अध्यक्ष जमानशेर राईले बताए ।

उधौलीको अवसरमा अन्नको सह बसोस्, अनिकाल नलागोस् भन्ने कामनाका साथ प्रकृतिको पूजा गर्ने चलन छ । यो बेला जलचर तथा थलचर जीवजन्तु उधौली लाग्ने भएकाले मंसिरे पूर्णिमाको दिनदेखि उधौली मनाउने गरिएको राईले बताए । वैशाखे पूर्णिमाको बेला उभौली अवसरमा खेतीपाती राम्रो होस्, प्राकृतिक प्रकोप नआओस् लगायतका कामना गर्दै प्रकृतिको पूजा आराधना गर्ने चलन छ । उभौली–उधौली आफन्तसँगको भेटघाट गर्ने महत्वपूर्ण अवसर पनि मानिन्छ । उधौलीको अवसरमा बिहीबार जन्तेढुंगा, खोटेहाङलगायत ठाउँमा पनि उधौली मनाइएको राईले बताए ।

साकेला सिली किरातीहरुले मात्र नभई सबै जातजाति तथा धर्म समुदायले समेत नाच्ने भएकाले जातीय सहिष्णुता, एकता र भाइचाराको विकास गर्ने समृद्ध संस्कृति बनेको जिल्ला समन्वय समितिका प्रमुख सनबहादुर राईले बताए । ‘साकेला किराती संस्कृतिअनुसार महत्वपूर्ण पर्व ,’ राईले भने, ‘के किराती के गैरकिराती सबै जातजातिको सहिष्णुता, एकता र भाइचारा विकास गर्ने सबैको साझा समृद्ध संस्कृति बनिसकेको छ ।’

दिक्तेल रुपाकोट मझुवागढी नगरपालिकाको मझुवागढीमा साकेला नाच्दै । तस्बिर : डम्बरसिं राई

प्रकाशित : मंसिर २२, २०७९ १७:४८
प्रतिक्रिया
पठाउनुहोस्

विद्युत् खपत बढाउन प्राधिकरणको लगानी पूर्वाधार विकासमा केन्द्रित : घिसिङ

कान्तिपुर संवाददाता

काठमाडौँ — नेपाल विद्युत प्राधिकरणका कार्यकारी निर्देशक कुलमान घिसिङले विद्युत् खपत बढाउन प्राधिकरणको लगानी विद्युतीय पूर्वाधार विकासमा केन्द्रित गरेको बताएका छन् । 

नेपाल विद्युतीय व्यवसायी महासंघले बिहीबार आयोजना गरेको ‘फिन इलेक्ट्रो टेक २०२२’ प्रदर्शनी कार्यक्रममा बोल्दै कार्यकारी निर्देशक घिसिङले सरकार र प्राधिकरण विद्युतीय आवश्यक पूर्वाधार विकासका लागि लगानी केन्द्रित रहेको बताएका हुन् । उनले नेपालमा उत्पादन विद्युत् नेपालमा नै खपत बढाउनका लागि विभिन्न इभि एक्स्पोहरु भइरहेको पनि जनाए ।

घिसिङले विद्युत् खपतका लागि चार्जिङ स्टेसनहरु विस्तार र इन्डक्स कुकिङलाई प्राथमिकता दिँदै आएको बताए ।

विद्युत् प्रसारण, वितरण र सवस्टेशनको विकास नभई विद्युत् खपत बढाउन नसक्ने उनको भनाइ थियो । उनले प्राधिकरण गुणस्तरीय विद्युत् र चाहे जति विद्युत् सप्लाई गर्ने विद्युतीय पूर्वाधार निर्माण गर्ने चरणमा रहेको प्रस्ट पारे । घिसिङले गाउँगाउँमा सतप्रतिशत विद्युतीकरण गर्ने सरकारको नीति तथा कार्यक्रम अनुसार पूरा गर्ने चरणमा प्राधिकरण पुगेको दाबी गरे ।

उनले भने,‘विद्युत् प्रसारण वितरण र सवस्टेशनको विकास नभई धेरै विद्युत् खपतको अपेक्षा गर्न सक्दैनौं । विद्युतीय पूर्वाधार निर्माणमा प्राधिकरणको ठूलो लगानी भइरहेको छ । प्राधिकरण निरन्तर, गुणस्तरीय विद्युत् र चाहेजति विद्युत् सप्लाई गर्ने विद्युतीय पूर्वाधार निर्माण गर्ने चरणमा छौं ।'

उनले अबको २ वर्षपछि नेपालले विद्युत् आयात गर्नुपर्ने अवस्था नआउने बताए । उनले वर्षाको समयमा विद्युत् निर्यात गरिरहेको भन्दै विद्युत् निर्यात गर्नु सरकारको सफलता नभए तापनि खपत नभएको विद्युतलाई खेर फाल्नुभन्दा निर्यात गर्नु राम्रो भएको तर्क गरे । उनले विद्युत् खपत बढाएमात्रै मुलुकमा समृद्धि आउने भन्दै एक युनिक विद्युत् पनि खेर फाल्नु नहुने धारणा राखे ।

प्रकाशित : मंसिर २२, २०७९ १७:२८
पूरा पढ्नुहोस्
प्रतिक्रिया
पठाउनुहोस्
×