तेह्रथुममा मोटरसाइकल दुर्घटनामा युवकको मृत्यु
तेह्रथुम — विजय र्यालीबाट फर्कने क्रममा तेह्रथुममा भएको मोटरसाइकल दुर्घटनामा युवकको मृत्यु भएको छ । फेदाप गाउँपालिका–२ ओयाक्जुङका ४२ वर्षीय चन्द्रबहादुर लिम्बूको मोटरसाइकल दुर्घटनामा परी मृत्यु भएको जिल्ला प्रहरी कार्यालय तेह्रथुमका प्रवक्ता छिपिन्जो भोटेले बताए ।
सदरमुकाम म्याङ्लुङबाट ओयाक्जुङ फर्किने क्रममा को २१ प ४२२८ नम्बरको मोटरसाइकल दुर्घटना भएको हो । लिम्बू नेपाली कांग्रेसका कार्यकर्ता हुन् ।
म्याङलुङस्थित दस गते पार्कमा मोटरसाइकल अनियन्त्रित भइ सडकको पिलरमा ठोकिएपछि घाइते भएका लिम्बूको उपचारका लागि धरान लाने क्रममा बाटोमै मृत्यु भएको प्रहरीले जनाएको छ ।
प्रतिक्रिया
