पहिरोले फिदिम-ताप्लेजुङ सडक अवरुद्ध
पाँचथर — अविरल वर्षासँगै गएको पहिरोका कारण मेची राजमार्ग अन्तर्गत फिदिम-ताप्लेजुङ सडकखण्ड अवरुद्ध भएको छ ।
बुधबार बिहानै पाँचथरको फिदिम नगरपालिका ४ कोइरीडाँडामा गएको पहिरोका कारण सडक अवरुद्ध भएको हो ।
पहिरोका कारण पाँचथरबाट ताप्लेजुङ तथा ताप्लेजुङबाट पाँचथर र इलाम हुँदै झापा जाँदै गरेका सवारी र ढुवानी साधनसँगै यात्रुहरू अलपत्र परेका छन् ।
पहिरो पन्छाउन फिदिम नगरपालिकाले बिहानैदेखि स्काभेटर परिचालन गरिएको फिदिम नगरपालिकाका प्रमुख मित्रप्रसाद काफ्लेले जानकारी दिए ।
प्रकाशित : आश्विन २६, २०७९ १०:५७प्रतिक्रिया