दुर्घटनामा मोटरसाइकल चालकको मृत्यु- प्रदेश १ - कान्तिपुर समाचार

दुर्घटनामा मोटरसाइकल चालकको मृत्यु

विप्लव भट्टराई

इलाम — मेची राजगमार्गस्थित इलामको बिव्ल्याँटे खण्डमा स्कोरपियो र मोटरसाइकल ठोक्किँदा मोटरसाइकल चालकको मृत्यु भएको छ । 

आइतबार साँझ ताप्लेजुङवाट आउँदै गरेको प्र ३ बा ०८८५ नंको स्कोरपियोसँग विपरीत दिशबाट आएको प्र १—०१—०१४ प १०६० नम्बरको मोटरसाइकल ठोक्किँदा इलाम नगरपालिका ४ का २३ वर्षीय विशाल राई सख्त घाइते भएका थिए ।

इलाम अस्पतालमा उपचार हुन नसकेपछि उनलाई झापाको विर्तासिटी अस्पताल लैजाने क्रममा बाटोमा नै मृत्यु भएको प्रहरीले जनाएको छ । स्कोरपियो चालक नुवाकोट निवासी छिरिङ तामाङलाई प्रहरीले नियन्त्रणमा लिएको छ ।


प्रकाशित : आश्विन १७, २०७९ ०९:०४
प्रतिक्रिया
पठाउनुहोस्

मकवानपुरमा रात्रि बस दुर्घटना, २ को मृत्यु, ६ जना सख्त घाइते

सुवास विडारी

मकवानपुर — मकवानपुरको हेटौंडा–१५, चुरियामाई मन्दिर नजिक सोमबार राति भएको बस दुर्घटनामा २ जनाको मृत्यु भएको छ । पूर्व-पश्चिम राजमार्गअन्तर्गत पर्ने यस सडक खण्डमा भएको यात्रुबाहक बस दुर्घटनामा ६ जना गम्भीर र ३० जना यात्रु घाइते भएका छन् ।

काठमाडौंबाट दमकतर्फ जाँदै गरेको ना.७ ख २०३२ नम्बरको रात्रि बस अनियन्त्रित भई राति करिब १ बजे नालीमा खसेको जिल्ला प्रहरी कार्यालय मकवानपुरका प्रहरी नायब उपरीक्षक एवम् प्रहरी प्रवक्ता टेकबहादुर कार्कीले जानकारी दिए ।

दुर्घटनामा मृत्यु हुनेमा झापाको दमक–५ मोडेल क्याम्पस नजिक बस्ने ६० वर्षीय दिल्लीबहादुर दर्जी र मोरङ बेलबारी नगरपालिका–८ की अन्दाजी ५१ वर्षीया कल्पना राजवंशी रहेका प्रवक्ता कार्कीले जानकारी दिए ।

घाइते भएका ३६ जनामध्ये ३० जना सामान्य उपचारपश्चात् डिस्चार्ज गरिएको र थप उपचारका लागि २ जनालाई काठमाडौं, ३ जनालाई भरतपुर रिफर गरिएको र १ जनाको हेटौंडामै उपचार भइरहेको प्रहरीले जनाएको छ ।

प्रकाशित : आश्विन १७, २०७९ ०८:५९
पूरा पढ्नुहोस्
प्रतिक्रिया
पठाउनुहोस्
×