विप्लव भट्टराई

विप्लव भट्टराईका लेखहरु :

जहिल्यै पहिरो र भलबाढीको जोखिम

पहिरोले घरमा क्षति पुगेपछि सन्दकपुर गाउँपालिका–४ मावुका खुमबहादुर गुरुङ विस्थापित भए । छिमेकी सञ्चहाङ लिम्बू र गंगामाया थेबे पनि अन्यत्रै बस्न बाध्य छन् । दलबहादुर लिम्बूको घर उच्च जोखिममा छ । मावुबाट सन्दकपुर–५ जमुना जोड्ने सडकको आसपास पहिरो गएको हो । 

राँके-रवि-भेडेटार सडकको दुरवस्था, यात्रुलाई कष्ट

धनकुटा, इलाम र पाँचथर जिल्लाका बासिन्दाले प्रत्यक्ष लाभ लिइरहेको राँके–रवि– भेडेटार सडकको दुरवस्थाका कारण यस क्षेत्रका बासिन्दा प्रत्यक्ष मारमा परेका छन् ।

परिवार नै संक्रमित हुँदा सकस

एकातर्फ आमा छटपटाउँदै थिइन् भने अर्कोतर्फ बुबालाई सास फेर्न गाह्रो हुन थाल्यो । आमाको भन्दा बुबाको स्वास्थ्य अवस्था जटिल थियो । बुबाको अक्सिजन सकिएपछि उनले आमाले प्रयोग गर्नुभएको अक्सिजन बुबालाई लगाउने निधो गरे । 

अदालत परिसरमा कर्मचारी मृत भेटिइन्

उच्च अदालत विराटनगरको इलाम इजलासमा कार्यरत कर्मचारी विमलाकुमारी पराजुली मृत भेटिएकी छिन् । सुरक्षा घेराभित्र रहेको कार्यालय परिसरमा नै ४८ वर्षीया पराजुलीको शव शंकास्पद अवस्थामा भेटिएको हो ।

एउटै गाईबाट २८ लाख आम्दानी !

एउटै गाईबाट २८ लाखभन्दा धेरै आम्दानी भएको सुन्दा अपत्यारिलो लाग्ला । तर इलामको सूर्योदय नगरपालिकास्थित आठघरेका पुष्प अधिकारीले २४ वर्षदेखि एउटा गाई निरन्तर पालेका छन् । त्यो गाईबाट उनले दूध मात्र २२ लाख रुपैयाँको बिक्री गरेका छन् । अनि बाच्छाबाच्छीबाट ६ लाख रुपैयाँ जति हात परेको उनले जानकारी दिए ।

पढ्छन् तर लोक सेवा भिड्न पाउँदैनन्

बिहीबार दिउँसो २ बजे इलाम सदरमुकामस्थित महेन्द्ररत्न बहुमुखी क्याम्पस पुग्दा विद्यार्थीहरू नाराबाजीमा व्यस्त थिए । कोभिड–१९ को सन्त्रास कायमै रहेका बेला पनि मास्कधारी विद्यार्थी जम्मा भएर जोडतोडले नाराबाजी गर्दै थिए । तीन दिनदेखि उही दैनिकीमा देखिएका विद्यार्थीहरू कुनै संघ/संगठनका माग लिएर आन्दोलनमा होमिएका भने थिएनन् ।

घर निर्माणमा एसएसबीको अवरोध

सन्दकपुर गाउँपालिका–५ स्थित कैयाँकट्टामा एक स्थानीयको घर निर्माणमा भारतीय सीमा सुरक्षा बल (एसएसबी) ले रोक लगाएको छ । दशगजाभन्दा करिब ४५ मिटर वरै नेपालतर्फको क्षेत्रमा घर बनाउन लाग्दा एक सातादेखि एसएसबीले काम गर्न दिएको छैन । स्थानीय यदादिकी शेर्पाका नाममा रहेको जग्गामा घर निर्माण गर्न लागिएको थियो ।

असिनाले किबी क्षति भएपछि राहत खोज्दै किसान

किबी उत्पादनका लागि अग्रणी इलामका किसान असिनाले बगान नष्ट भएपछि समस्यामा परेका छन् । गत वैशाखमा नै आएको असिनाका कारण किबीमा नराम्रो क्षति भएपछि कृषकले राहतको माग गरेका छन् । कृषि ज्ञान केन्द्रले क्षतिको यकिन विवरण निकालेर सम्बन्धित निकायमा राहतका लागि पठाए पनि हालसम्म कुनै कारबाही हुन सकेको छैन । 

पर्यटन क्षेत्रको लगानी जोखिममा

इलामका डम्बर खड्काले पर्यटकीय स्थल कन्याममा आकर्षक रिसोर्ट बनाउन कस्सिए । ५५ रोपनी जमिन खरिद गरेर उनले होटल, क्यासिनो, सपिङ मल, बुद्धको विशाल मूर्ति स्थापनासहित आकर्षक पार्क र मिनी रेल सञ्चालन गरेर देशविदेशवाट आउने पर्यटकको बसाइलाई लम्ब्याउने उनको लक्ष्य छ ।