जंगली भाले हात्ती मृत भेटियो

अन्दाजी २५ वर्ष उमेरको भाले हात्ती मृत अवस्थामा भेटिएको सहायक वन अधिकृत झाले बताए । मृत अवस्थामा भेटिएको दुवै दाह्रा सुरक्षित रहेका छन् । पुच्छरको रौं भने नरहेको झाले बताए ।

अहिले मृत हात्तीको पोस्टमार्टमका लागि पशु चिकित्सक, कोसीटप्पु वन्यजन्तु आरक्षणका कर्मचारी र सहायक वन अधिकृत झा घटनास्थल पुगिसेको डिभिजन प्रमुख अम्बिकाप्रसाद पौडेलले बताए । केही दिनयता जंगली हात्तीको समूह हात्तीसार सामुदायिक वन क्षेत्रमै घुमिरहेका थिए । मृत अवस्थामा भेटिएको हात्ती तिनै हात्तीमध्येको हुनुपर्ने प्रमुख पौडेलले बताए ।

हात्ती मरेको विषयमा अनुसन्धान अघि बढाएको डिभिजन प्रमुख पौडेलेले बताए । मृत्युको कारण पोस्टमार्टमपछि थाहा पाइने उनले बताए ।

यसअघि २०७४ सालमा पनि त्यसै क्षेत्रमा हात्ती मृत अवस्थामा फेला परेको थियो । त्यसबेलाको हात्तीलाई गोली हानिएको अवस्थामा मृत भेटिएको डिभिजन वन कार्यालयले जनाएको छ ।