कोरोना संक्रमित प्रतिवादी उपचारकै क्रममा फरार

लेनदेन मुद्दामा जिल्ला अदालत मोरङले २०७६ वैशाख २९ गते दासलाई ६ महिना कैद सजाय तोकेको थियो । अदालतको फैसलापछि फरार रहेका दासलाई इलाका प्रहरी रानीले साउन २० गते पक्राउ गरेको जिल्ला प्रहरी मोरङका प्रवक्ता प्रहरी नायव उपरीक्षक दिपक श्रेष्ठले बताए । ‘पक्राउ परेपछि जिल्ला अदालतमा बुझाउनुअघि दासको कोरोना परीक्षण गराउँदा संक्रमण पुष्टि भएको थियो,’ उनले भने, ‘कोरोना संक्रमणपछि कोसी कोभिड अस्पतालमा भर्ना गराएर उपचार गराउने क्रममा बुधबार राति ११ बजेतिर शौचालय जाने क्रममा फरार भएको हो ।’ उनको खोजी भइरहेको श्रेष्ठले बताए ।