लोपोन्मुख तिलुङ भाषामा पढाइ
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
खोटाङ — हलेसी तुवाचुङ नगरपालिका–३ च्यास्मिटारको पिपचाहीस्थित बालविकास प्राविमा चालु शैक्षिक सत्रमा कक्षा १ देखि ऐच्छिक विषयको रूपमा लोपोन्मुख तिलुङ भाषाको पठनपाठन सुरु गरिएको छ । नगरप्रमुख विमला राईका अनुसार पठनपाठनका लागि नगरपालिकाको आर्थिक सहयोगमा तिलुङ राई बुगाकिमले पाठ्यपुस्तक तयार पारेको हो ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![लोपोन्मुख तिलुङ भाषामा पढाइ](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2022/miscellaneous/tilung-bhasa-0972022081031-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
चालु शैक्षिक सत्रबाटै च्यास्मिटारकै पिपलटार आधारभूत विद्यालयमा पनि उक्त भाषामा पढाइने राईको भनाइ छ । उक्त विद्यालयमा पाठ्यपुस्तक पुर्याउन बाँकी छ । उक्त क्षेत्रमा लोपोन्मुख तिलुङ भाषीको बाहुल्य छ ।
तिलुङ भाषामा कक्षा ३ सम्मको पाठ्यक्रम तयार पारिसकेको नगरप्रमुख राईले बताइन् । राईमध्ये कम जनसंख्या भएको र भाषा पनि लोपोन्मुख अवस्थामा भएकाले तिलुङको पठनपाठन सुरु गरिएको उनले बताइन् ।
खोटाङको च्यास्मिटार, दुर्छिम, राजापानी, धितुङ, बाहुनीडाडाँ र डिकुवामा तिलुङ राईहरू बस्छन् । यसबाहेक ओखलढुंगाको सल्ले, उदयपुरको लेखगाउँ, बासबोटे, रिस्कु, रूपटार, ठानागाउँ, तावाश्री, सिरहाको मुक्सार, झापा, इलाम, सुनसरी, धादिङ, काठमाडौंमा तिलुङ राईको बसोबास छ ।
उनीहरूमध्ये खोटाङको च्यास्मिटार र उदयपुरको केही गाउँमा मात्र भाषा जीवित रहेको नगरप्रमुख राईले सुनाइन् । राई तिलुङ राईको पहिलो नगरप्रमुख पनि हुन् ।
![](https://assets-cdn.ekantipur.com/uploads/source/ads/900-x-100-0172024023126.gif)