डा. केसी भन्छन्- फेरि सत्याग्रह गर्न तयार छु
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
पाँचथर — स्वास्थ्य क्षेत्र सुधारका अभियान्ता प्रा. डा. गोविन्द केसीले दुर्गमका नागरिकको स्वास्थ्य अधिकारका लागि पुनः एकपटक सत्याग्रह गर्न तयार रहेको बताएका छन् ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![डा. केसी भन्छन्- फेरि सत्याग्रह गर्न तयार छु](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2022/third-party/birami-jachdai-kc-1-1062022122715-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
जनतबाट चुनिएका प्रधानमन्त्री, पूर्वप्रधानमन्त्री र विभिन्न निकायमा रहेका सरकारी अधिकारीले कर्तव्य बिर्संदा दुर्गमका नागरिक स्वास्थ सुविधाबाट वञ्चित हुनु परेको भन्दै उनीहरूको स्वास्थ्य अधिकारका लागि आफू पुनः सत्याग्रहमा बस्न तयार रहेको बताएका हुन् ।
प्रदेश १ का पहाडी र हिमाली जिल्लाका नागरिकको स्वास्थ्य जाँच गर्दै पाँचथरको फिदिम आइपुगेका डाक्टर केसीले पहाडी र हिमाली क्षेत्रका नागरिकमध्ये धेरैले उपचार गराउन नसकेको र उपचार गराउन जाँदा ठगिनु परेको हुँदा आफूले ठाउँ-ठाउँमा सरकारी मेडिकल कलेज स्थापनाको आवाज उठाएको टिप्पणी गरे ।
निजी मेडिकल कलेज सञ्चालकहरूबाट आउने कमिसनको प्रलोभनमा राजनीतिक दलका नेताहरू ग्रामीण स्तरमा मेडिकल कलेज खोल्न सकारात्मक नरहेको उनले बताए ।
तीन दिनदेखि पाँचथर जिल्ला अस्पतालमा हाडजोर्नी र नसासँग सम्बन्धित बिरामीको स्वास्थ्योपचार गरिरहेका केसीले कान्तिपुरसँग कुरा गर्दै डाक्टर केसीले यस्तो बताएका हुन् ।
दुई महिनादेखि प्रदेश १ को सोलुखुम्बुबाट नागरिकको स्वास्थ्य परीक्षण सुरु गरेका डाक्टर केसी ओखलढुंगा, भोजपुर, संखुवसभा, खोटाङ र तेह्रथुम हुँदै पाँचथर आइपुगेका हुन् । उनी शुक्रबार अपराह्न ताप्लेजुङ प्रस्थान गरेका छन् ।
प्रकाशित : जेष्ठ २७, २०७९ १६:१३