सोलुखुम्बुको सोताङ गाउँपालिका–१ मा कांग्रेसको प्यानलै विजयी- प्रदेश १ - कान्तिपुर समाचार

सोलुखुम्बुको सोताङ गाउँपालिका–१ मा कांग्रेसको प्यानलै विजयी

कान्तिपुर संवाददाता

सोलुखुम्बु — सोलुखुम्बुको सोताङ गाउँपालिका–१ मा नेपाली कांग्रेसको प्यानलै विजयी भएको छ । कांग्रेसका जंगबहादुर गुरुङले ३ सय ९८ मत पाएका छन् ।

निकटतम प्रतिद्वन्द्वी नेकपा एमालेका लाछे लामिछानेले २ सय ५८ र माओवादी केन्द्रका उम्मेदवार रमेश कुमार राईले १ सय १७ मत पाएका छन् ।

निर्वाचन अधिकृत कुमार कोइरालाका अनुसार वडा सदस्यमा धर्मध्वज बस्नेत, सकुन्तला भूजेल, लक्ष्मी विक र भोलाकाजी राई विजयी भएका छन् ।


प्रकाशित : वैशाख ३१, २०७९ १२:३६
प्रतिक्रिया
पठाउनुहोस्

कांग्रेस र माओवादीबीच विवाद हुँदा तातोपानीमा मतगणना स्थगित

डीबी बुढा

जुम्ला — जुम्लाको तातोपानी गाउँपालिकामा मतगणनाका क्रममा नेपाली कांग्रेस र माओवादी केन्द्रबीच विवाद हुँदा मतगणना स्थगित भएको छ । मतगणनाका क्रममा विवाद उत्पन्न भएपछि आइतबार बिहानसम्मका लागि स्थगित गरिएको छ । 

मतगणना स्थगित हुने बेलासम्म कांग्रेसको १ सय ४२ मत, माओवादी केन्द्रको २ सय ३३ मत,एमालेको १ सय ६२ मत र एकीकृत समाजवादीको ५८ मत आएको थियो । मतगणनामा माओवादी केन्द्रले ६ मतमा चित्त नबुझेको भन्दै एकसय मतपत्र फेरी गणना गर्नुपर्ने माग गरेको थियो । १ सय मत फेरी गणना गर्दा कांग्रेस ३ मतले मात्रै अघि देखिएपछि विवाद सिर्जना भएको थियो ।

कांग्रेसले सबै मतको गणना फेरी गर्नु पर्ने माग राखेको छ । सर्वदलीय बैठकले आइतबार बिहान ७ बजेदेखि पुन: मतगणना गर्ने गरी मतगणना स्थगित गरेको निर्वाचन अधिकृतको कार्यालयले जनाएको छ ।

मतगणना स्थलमा भेला भएका नेता कार्यकर्ताहरूले मतगणना स्थगित गरेकोमा आपत्ति जनाएका छन् । उनीहरूले तत्काल मतगणना सञ्चालन गर्नुपर्ने भन्दै नाराबाजी गरिरहेका छन् ।

प्रकाशित : वैशाख ३१, २०७९ १२:३१
पूरा पढ्नुहोस्
प्रतिक्रिया
पठाउनुहोस्
×