भेडेटारमा नयाँ वर्ष मनाउनेको भीड

पर्यटकले भेडेटारका होटल भरिभराउ छन् । क्षण भर मै बादलको घुम्टोले छोपिने र उघ्रने तथा चारैतर्फ हरियाली दृश्यावलोकन गर्न सकिने भएकोले भारतको सिक्किमबाट घुम्न आएको भेडेटारमा भेटिएका दिप लेप्चाले बताए । सिक्किमकै रोजी शर्माले पनि पहिलो पटक भेडेटारमा नेपाली नयाँ वर्ष मनाएको बताइन् ।

रमणीय दृश्यावलोकन र यातायातको सहजताले भेडेटारमा पर्यटकको आकर्षण बढेको अग्रज पर्यटन व्यवशायी विष्णु श्रेष्ठको भनाइ छ । स्थानीयस्तरका अर्ग्यानिक मौलिक खानाको परिकार सहित ठन्डा हावापानीले पर्यटकको रोजाइमा परेको होटल एशोसियसन भेडेटारका अध्यक्ष लीलाराज लावतीले बताए । ध्वजेडाँडा, राजारानी ताल, नाम्जे, मुलघाट, धनकुटा, हिले लगायतका स्थानमा आवतजावत गर्ने पर्यटक समेत भेडेटारमा अडिएर रमाउने गरेको उनको भनाइ छ । यस्तै नयाँ वर्षमा मुलघाट, लेउती खोलाका किनारका विभिन्न स्थानमा वनभोज खाने समुह पनि उत्तिकै थिए । तराई क्षेत्रमा गर्मी बढे पछि सिम्सुवा झरनामा नुहाउने र त्यहाॅस्थित पोखरीमा पौडी खेल्ने ओइरिन्छन् ।