जग्गा जालसाजीको आरोपमा एमाले वडाध्यक्ष प्रहरीको नियन्त्रणमा

वडाध्यक्ष भोटेसहित थप ७ जनालाई नियन्त्रणमा लिएर सोधपुछ भइरहेको प्रहरी नायव उपरीक्षक लालध्वज सुवेदीले बताए । भोटेसहित ७ जनालाई जग्गा किर्ते गरेको आरोप लागेको छ ।

सुवेदीका अनुसार उनीहरुले अपर अरुण जलविद्युत् आयोजनास्थलको मुआब्जा क्षेत्रमा पर्ने जग्गा स्थानीय ७५ वर्षीय बृद्धालाई ललाईफकाई गरेर रजिस्ट्रेसन पास गरेको खुलेको छ । 'मुआब्जाभित्र पर्ने २७ रोपनी जग्गा एक लाख दिएर पास गरेको अनुसन्धानले देखाएको छ,' उनले भने, 'जग्गा किर्ते गर्न ठूलै गिरोह लागेको पाएका छौं ।' आरोपीहरुलाई शनिबार पत्रकार सम्मेलन गरेर सार्वजनिक गरिने प्रनाउ सुवेदीले बताए ।