बाबुको हत्या आरोपमा पक्राउ

फाल्गुन ७, २०७८कान्तिपुर संवाददाता

संखुवासभा — संखुवासभाको सभापोखरी गाउँपालिका–२ वितलवमा बाबुको हत्या आरोपमा १७ वर्षीय छोरा सुमन दर्जी पक्राउ परेका छन् । ५० वर्षीय दलबहादुर दर्जीको हत्या गरेको आरोपमा उनका साईँला छोरा सुमन शनिबार पक्राउ परेका हुन् ।

जिल्ला प्रहरी कार्यालय संखुवासभाका प्रहरी निरीक्षक शुभेष अधिकारीका अनुसार शुक्रबार राति करिब १२ बजे ती किशोरले दलबहादुरलाई ह्याम्मरले प्रहार गरेका थिए ।