झापामा श्रीमती हत्या आरोपित पक्राउ

बिर्तामोड — श्रीमतीको हत्या आरोपमा एक व्यक्ति पक्राउ परेका छन् । भद्रपुर नगरपालिका १ लाहुरे चोकका ३४ वर्षीय अमरबहादुर तामाङलाई प्रहरीले पक्राउ गरेको हो । 

तामाङले सोमबार बिहान ३४ वर्षीया श्रीमती अनिता लिम्बुको हत्या गरेको जिल्ला प्रहरी कार्यालयले जनाएको छ ।

मोबाइल बिग्रिएको विषयमा श्रीमान्–श्रीमतीबीच विवाद भएको थियो । विवादका क्रममा तामाङले बिहान साढे ५ बजेतिर घाँटीमा चक्कु प्रहार गर्नुका साथै शरीरमा ढुंगा प्रहार गरेर अनिताको हत्या गरेको प्रहरीले बताएको छ ।