सुनसरीमा कोरोना नियन्त्रणका लागि प्रशासनद्वारा १२ बुँदे आदेश जारी
सुनसरी — कोरोना संक्रमण तीव्र रुपमा बढ्दै गएपछि जिल्ला प्रशासन कार्यालयले बुधबार १२ बुंदे आदेश जारी गरेको छ ।
जिल्लाको डिसीसीएमसीको बुधबार बसेको बैठकपछि प्रमुख जिल्ला अधिकारी इन्द्रदेव यादवले भीड नियन्त्रणका लागि सूचना जारी गरेका हुन् ।
कोरोना रोकथामका लागि जारी गरिएको मापदण्ड अनुसार जिल्लाभर सिनेमा हल, पार्टी प्यालेस, डान्स बार, दोहोरीलगायत भीडभाड हुने सबै प्रकारका कार्यक्रममा रोक लगाइएको छ ।
माघ १५ गतेसम्मका लागि यस्ता स्थानमा कार्यक्रम नगर्न भन्दै प्रशासनले पूर्ण रुपमा रोक लगाएको छ । जारी गरिएको मापदण्डमा भनिएको छ, ‘माघ मसान्तसम्म सबै प्रकारका आमसभा, जुलुस, सभा वा धेरै मानिस भेला हुने क्रियाकलापहरूमा पनि रोक लगाइएको छ ।’ यस्तै सार्वजनिक निकायहरूमा सेवाग्राहीहरूलाई खोप कार्ड अनिवार्य गरिएको छ ।
सुनसरीमा मंगलबार बर्जु गाउँपालिकास्थित बर्जु महोत्सवको क्रममा झडप र आगजनी भएपछि प्रशासनले सम्भावित भीड रोक्नका लागि नयाँ आदेश दिएको हो ।
प्रकाशित : माघ ५, २०७८ २०:३३
