अन्तु भ्याली चिया कारखानामा आगलागी- प्रदेश १ - कान्तिपुर समाचार
कान्तिपुर वेबसाईट
AdvertisementAdvertisement

अन्तु भ्याली चिया कारखानामा आगलागी

कान्तिपुर संवाददाता

इलाम — इलामको सूर्योदय नगरपालिका ४ अन्तुमा रहेको अन्तु भ्याली चिया कारखानामा आगलागी हुँदा करोडौंको क्षति भएको छ । आगलागीबाट कारखानाका सबै संरचना जलेर नष्ट भएका छन् । इलाम टी प्रोर्डयुसद्वारा सञ्चालित कारखानामा आइतबार दिउँसो आगलागी सुरु भएको थियो ।

आगोले चिया कारखानाको ३ वटा चिया प्रशोधन गर्ने भवनसहित सम्पूर्ण मेसिन औजार जलेर नष्ट भएको हो । आगलागीबाट कारखानामा रहेको तयारी चियासमेत जलेर नष्ट भएको छ ।

आगलाग हुनासाथ स्थानीयले निभाउने प्रायस गरे पनि सफल भएनन् । आगो नियन्त्रण बाहिर गएपछि सूर्योदय नगरपालिकाका दुईवटा बारुणयन्त्र, इलाका प्रहरी कार्यालय पशुपतिनगर र सशस्त्र प्रहरीले अबेर मात्र आगो नियन्त्रणमा लिएका थिए । कारखानाका ठूला तीनवटा भवन, चिया प्रशोधन गर्ने सबै मेसिन र प्रशोधन गरिएको तयारी चिया सबै जलेर नष्ट भएको ूइलाका प्रहरी कार्यालय पशुपतिनगरका प्रहरी निरीक्षक देउप्रसाद लिम्बूले जानकारी दिए । आगलागीबाट करोडौंको क्षति भएको कारखानाका किसन गिरीले बताए । पुरानो यो कारखानाको दैनिक १६ हजार किलो हरियोपत्तीसम्म प्रशोधन गर्ने क्षमता छ ।


प्रकाशित : माघ २, २०७८ २०:०९
प्रतिक्रिया
पठाउनुहोस्

११ केजी चाँदीसहित एक भारतीय पक्राउ

रासस

काठमाडौँ — बारा प्रहरीले जितपुरसिमरा उपमहानगरपालिका–१ बाट आइतबार ११ केजी चाँदीसहित एक भारतीय नागरिकलाई पक्राउ गरेको छ ।

भारतको बिहार जिल्ला मोतीहारी ढाका बस्ने २३ वर्षीय सुनिल गुप्तालाई पक्राउ गरी आवश्यक कारबाहीका लागि राजश्व अनुसन्धान कार्यालय पथलैया पठाइएको प्रहरीले जनाएको हो ।

वीरगञ्जबाट पथलैयातर्फ जाँदै गरेको ना ३३ प ८५२६ नम्बरको मोटरसाइकल रोकी जाँच गर्ने क्रममा उक्त मोटरसाइकलको तेल ट्याङ्कीको भित्र फल्स बटन बनाई सोहीभित्र लुकाइछिपाइ राखिएको उक्त चाँदी बरामद गरिएको थियो ।

इलाका प्रहरी कार्यालय सिमरा बाराबाट खटिएको प्रहरी टोलीले १२ लाख ४२ हजार ९७३ रुपैयाँ मूल्य बराबरको ११ किलो ५०० ग्राम चाँदीको तयारी पाउजु, बाला, चाबी रिङ, बुट्टी तथा कल्लीलगायत तयारी गहना फेला परेका हो ।

तयारी गहनासहित पक्राउ परेका मोटरसाइकल चालक गुप्तालाई आवश्यक कारबाहीका लागि राजश्व अनुसन्धान कार्यालय पथलैया बारामा पठाइएको प्रहरीले जनाएको छ ।

प्रकाशित : माघ २, २०७८ २०:०१
पूरा पढ्नुहोस्
प्रतिक्रिया
पठाउनुहोस्
×