मकर नुहाउने क्रममा नदीले बगाएर मृत्यु

मृत्यु हुनेमा २९ वर्षीय इन्द्रबहादुर बुडाथोकी रहेको जिल्ला प्रहरी कार्यालय पाँचथरले जनाएको छ । शनिबार मध्यान्ह मकर नुहाउन तमोर लिफ्टिङ आयोजना क्षेत्रमा गएका उनलाई नुहाउने क्रममा खोलाले बगाएको थियो ।

उनलाई खोलाले बगाएपछि प्रत्यक्षदर्शी स्थानीयले गाउँले र प्रहरीलाई खबर गरेका थिए । उनको खोजीका लागि प्रहरी चौकी मौवा र नावाखोलाबाट प्रहरी टोली खटाइएको टोलीसँगै स्थानीयले साँझ ४ बजे मृत अवस्थामा फेला पारेका थिए ।

बुडाथोकीको शव पोष्टमार्टम गरी परिवारलाई बुझाउने तयारी भइरहेको जिल्ला प्रहरी कार्यालय पाँचथरका प्रमुख (डिएसपी) राकेश थापाले जानकारी दिए ।