तीन थान भरुवा बन्दुकसहित एक जना पक्राउ- प्रदेश १ - कान्तिपुर समाचार

तीन थान भरुवा बन्दुकसहित एक जना पक्राउ

कान्तिपुर संवाददाता

मोरङ — प्रहरीले लेटाङ नगरपालिका-९ स्थित बसन्त हरियाली सामुदायिक वनबाट तीन थान भरुवा बन्दुकसहित एक जनालाई पक्राउ गरेको छ । शुक्रबार प्रहरीले मिक्लाजुङ गाउँपालिका-५ का ६० वर्षीय इन्द्रबहादुर राईलाई पक्राउ गरेको हो । 

अस्थायी प्रहरी चौकी जाँतेबाट खटिएको प्रहरी टोलीले वनभित्र भरुवा बन्दुक बोकेर हिँडिरहेको अवस्थामा राईलाई पक्राउ गरेको जिल्ला प्रहरी मोरङका सूचना अधिकारी दिपक श्रेष्ठले जानकारी दिए ।

राईको साथबाट लोड भएको तीन थान भरुवा बन्दुक, दुई डब्बा बारुद, १८ थान गोली, ५ पोका छर्रा, खुकुरी र गुलेली बरामद भएको उनले बताए ।

प्रकाशित : पुस ३०, २०७८ १६:५६
प्रतिक्रिया
पठाउनुहोस्

पाल्पा सिमेन्टसँगको सहकार्यमा सुष्मा मेमोरियल अस्पतालले १८ वर्ष मुनिका जलन पीडितको नि:शुल्क उपचार गर्ने

कान्तिपुर संवाददाता

काठमाडौँ — सुष्मा कोइराला मेमोरियल अस्पतालले नेपालभरका १८ वर्ष मुनिका एसिडलगायत जलनबाट पीडितहरुको नि:शुल्क उपचार गर्न पाल्पा सिमेन्ट इन्डष्ट्रिजसँग सम्झौता गरेको छ । एसिडलगायत जलनबाट पीडितको नि:शुल्क उपचारका लागि निजी क्षेत्रबाट वार्षिक ६० लाख रुपैयाँ सहयोग उपलब्ध गराउने सम्झौता भएको हो । 

सम्झौतामा पाल्पा सिमेन्टका तर्फबाट कार्यकारी निर्देशकद्वय विष्णुकुमार अग्रवाल र राजेशकुमार अग्रवाल तथा अस्पतालका निर्देशक डा. सन्तोष भण्डारी र पीडितका लागि सहयोग उपलब्ध गराउन सक्रिय उज्वलविक्रम थापाबीच हस्ताक्षर भएको हो । पाल्पा सिमेन्टले अस्पताललाई उपलब्ध गराउने रकमबाट पीडितको नि:शुल्क उपचार हुनेछ ।


प्रकाशित : पुस ३०, २०७८ १६:५५
पूरा पढ्नुहोस्
प्रतिक्रिया
पठाउनुहोस्
x
×