लेटाङमा वृद्ध मृत फेला

बुढाथोकी भुजेलको घरमा पाहुना बस्न आएका थिए । बुढाथोकीको शव भुजेलको आँगन अगाडिबाट प्रहरीले बरामद गरेको जिल्ला प्रहरी मोरङका प्रवक्ता प्रहरी नायब उपरीक्षक दिपक श्रेष्ठले बताए । बुढाथोकी र भुजेल दुवै जना सोमबार साँझ सँगै मदिरा सेवन गरेको स्थानीयको भनाइ छ ।

मदिरा सेवन गर्ने क्रममा भएको विवादमा भुजेलले बुढाथोकीको टाउकोमा धारिलो हतियारले प्रहार गरेपछि मृत्यु भएको हुन सक्ने प्रहरीको प्रारम्भिक अनुसन्धानले जनाएको छ ।

प्रहरी नायब उपरीक्षक श्रेष्ठले घटनाका बारेमा अनुसन्धान भइरहेको त्यसपछि मात्रै हत्याको कारण खुल्ने बताए । बुढाथोकीको शव पोष्टमार्टमका लागि बीपी कोइराला स्वास्थ्य विज्ञान प्रतिष्ठान धरान पठाइएको उनले सुनाए ।