एमाले मोरङ अध्यक्षमा पोखरेल
मोरङ — एमाले मोरङको नवौं जिल्ला अधिवेशनबाट अध्यक्षमा ऋषिकेश पोखरेलसहित ५ जना पदाधिकारी सर्वसम्मत निर्वाचित भएका छन् । यससँगै अध्यक्षमा पोखरेलको यो दोस्रो कार्यकाल हुनेछ ।
उपाध्यक्षमा बाबुराम कार्की, सचिवमा रुपेश खतिवडा, उपसचिवमा शान्ति भुजेल र अर्का उपसचिवमा सन्तोष साह निर्विरोध निर्वाचित भएका छन्। निर्वाचन अधिकृत चुडामणि आचार्यले ५ जना पदाधिकारीमा ५ जनाको मात्रै उम्मेदवारी परेकोले सबै प्रक्रिया पूरा गरेर सर्वसम्मत निर्वाचित भएको घोषणा गर्ने बताए ।
उनका अनुसार १६५ सदस्यीय जिल्ला कमिटीमा १६० जना सदस्यका लागि ३९४ जनाको उम्मेदवारी परेको थियो । एमालेका अध्यक्ष केपी शर्मा ओलीले ६१ जिल्लाको अधिवेशन शुक्रबार एकै दिन संयुक्त रुपमा उद्घाटन गरेका थिए ।
प्रकाशित : पुस २४, २०७८ १९:२५प्रतिक्रिया