धुमधाम 'क्रिसमस इभ'

तस्बिर : सन्जोग मानन्धर

काठमाडौँ — इसाइ धर्मावलम्बीहरूको महत्वपूर्ण पर्व क्रिसमस विश्वभर मनाइँदै छ । विशेषगरी क्रिसमसको अघिल्लो साँझ (क्रिसमस इभ) लाई विश्वभरका क्रिस्चियनहरूले धुमधाम साथ मनाउने गर्छन् । पछिल्लो समय नेपालमा पनि युवा पुस्तामा यो चाड लोकप्रिय मानिँदै आएको छ ।

विभिन्न चर्च साथै ठूला सहरमा रहेका होटल रेष्टुरेन्टमा क्रिसमसको अघिल्लो साँझ युवायुवतीहरू भेला भएर क्रिसमस मनाउने चलन छ । यस अवसरमा इसाई धर्मावलम्बीहरु चर्चमा भेला भएर जिसस क्राइस्टको (पवित्र आत्मा) को प्रार्थना गर्छन् । इसाइ धर्मगुरु जिसस क्राइस्टले मानव जातिको मुक्तिका लागि आहूति दिएको सम्झनामा क्रिसमस मनाउने गरिन्छ । क्रिसमसको उपलक्ष्यमा नेपाल सरकारले पनि सार्वजनिक विदा दिने गरेको छ ।

यसै सन्दर्भमा ललितपुरको भनीमण्डलस्थित एजम्सन चर्चमा पनि शुक्रबार क्रिसमस इभ धुमधाम साथ मनाइयो ।


प्रकाशित : पुस ९, २०७९ २०:४१
प्रतिक्रिया
पठाउनुहोस्

उल्लासमय ज्यापू दिवस

तस्बिर : सन्जोग मानन्धर

काठमाडौँ — १९ औं राष्ट्रिय ज्यापू दिवस तथा योमरी पूर्णिमा काठमाडौंको बसन्तपुरमा धुमधामका साथ मनाइएको छ । उक्त अवसरमा विभिन्न स्थानबाट आएकाहरूको सांस्कृतिक र्‍याली प्रदर्शन गरिएको थियो । आजै योमरी पूर्णिमा पनि परेको हुँदा ठाउँठाउँमा योमरी बनाएर उत्सव मनाइएको छ

नेवार समुदायमा आज बिहान सबेरै योमरी पकाई देवीदेवतालाई चढाई हर्ष र उल्लासका साथ योमरी पूर्णिमा मनाइएको छ । केटाकेटीदेखि बूढाबूढीसम्मले मनपराउने भएकाले यस रोटीको नाम योमरी (मनपरेको रोटी) रहेको पाकाहरू बताउँछन् । नेवारीमा ‘यो’ को अर्थ ‘मन पराउनु’ र ‘मरी’ लाई ‘रोटी’ भनिन्छ। चामलको पिठोभित्र चाकु र खुवा हालेर अण्डाकार रुपमा डल्लो बनाइएको परिकार योमरी हो ।


प्रकाशित : मंसिर २२, २०७९ ११:५६
पूरा पढ्नुहोस्
प्रतिक्रिया
पठाउनुहोस्
×