कोरोना भाइरस (कोभिड १९) को संक्रमण न्यूनिकरणका लागि सरकारले गत चैत ११ गतेदेखि लकडाउनले दुई महिना नाघिसकेको छ । नेपालमा कोरोना संक्रमण दिनप्रतिदिन बढ्दै गएपछि सरकारले म्याद बढाउँदै लगेको हो । यसबाट देशको अर्थतन्त्र संकटग्रस्त अवस्थामा पुगेको छ भने काठमाडौं उपत्यकासहित मुलुकभरका नागरिक कष्टकरपूर्ण दैनिकी गुजारिरहेका छन् । लकडाउन अब कहिले हट्ने भन्ने एकीन भइसकेको छैन । यद्यपि सहरी क्षेत्रका नागरिक घरमै बसेर दैनिकी चलाइरहेका छन् भने कतिपय युवा सडक खाली भएको मौकामा खेलकुदमा सहभागी भइरहेका छन् । केही मजदुरहरु निर्माण स्थलमा खटिरहेका छन् भने उपत्यका वरपरका किसानहरु भने रोपाइँमा व्यस्त हुन थालेका छन् ।
उपत्यकाबाट घर फर्केनहरुको भीड बुधबार पनि कोटेश्वरमा देखिएको छ । लकडाउनको बेला उपत्यकाबाट घर जानका लागि गाडी चढ्न आएका उनीहरुलाई प्रहरीले केही बेर रोकेर राखेको थियो ।
राजधानीको मुनलाइट एन्ड पोशाकले पीपीई उत्पादन गर्न थालेका छन् । ढल्कोमा रहेको गार्मेट उद्योगबाट दैनिक ३ देखि ५ हजारवटा पीपीई उत्पादन भइरहेको छ । उत्पादित पीपीई टेकु अस्पताल,चितवन मेडिकल कलेज लगायत देशका विभिन्न स्थानहरुमा पठाइने गरिएको छ ।
कोरोना भाइरसको प्रकोप फैलिरहँदा अहिले सबै त्रसित छन् । चीनबाट सुरु भएको यो भाइसरबाट विश्वभर ६५ हजारभन्दा बढी व्यक्तिहरु संक्रमित भइसकेका छन् । यसबाट बच्न अहिले सबैको अनुहारमा मास्क लगाएको भेटिन्छ । शनिबार बौद्ध स्तुपामा जम्मा भएका भिक्षुहरु कोरोना भाइरस संक्रमितको सुस्वास्थ्यको लागि सामूहिक प्रार्थनामा मास्क लगाएर उपस्थित भएका थिए ।
राष्ट्रपति विद्यादेवी भण्डारीले काठमाडौँ उपत्यकाभित्र पुनर्निर्माण भइरहेका रानीपोखरी, धरहरा, काष्ठमण्डप, दरबार हाइस्कुल र बसन्तपुर दरबारसम्मकाे अवलोकन गरेकी छन् । शनिबार बिहानकाे अवलाेकनमा राष्ट्रपतिले भूकम्पबाट क्षति भएका ऐतिहासिक सम्पदा निर्माणको प्रगति र त्यसमा प्रयोग भएका सामग्रीबारे जानकारी लिएकी थिइन्।
नेपाली कांग्रेसका उपसभापति विजयकुमार गच्छदारलाई राजनीतिक पूर्वाग्रहपूर्ण तरिकाले ललिता निवास प्रकरणमा अख्तियार दुरुपयोग अनुसन्धान आयोगले फसाएको भन्दै नेपाल विद्यार्थी संघ(नेविसंघ)ले शुक्रबार प्रदर्शन गरेको छ ।
तामाङ समुदायले सोनाम ल्होसार अर्थात नयाँ वर्ष पर्व धुमधामसँग मनाएका छन् । माघ शुक्ल प्रतिपदाको दिन सोनाम ल्होसार मनाउने चलन छ । काठमाडौंको टुँडिखेलमा सोनाम ल्होसारका अवसरमा तामाङ खाना, वेशभूषा, कला संस्कृति लगायतको प्रदर्शन गरिएकाे थियाे । आजदेखि सुँगुर वर्ष बिदा भएर मुसा वर्ष सुरु भएको छ ।मुसा, गाई, बाघ, खरायो, ड्रागन (मेघ), सर्प, घोडा, भेडा, बाँदर, चरा, कुकुर र सुँगुर गरी १२ वर्गमा सोनाम ल्होसारलाई विभाजन गरिएको छ । तस्बिरमा हेर्नुहोस् सोनाम ल्होसारको रौनक ।
भारतले जारी गरेको नयाँ राजनीतिक नक्समा नेपाली भू-भाग समावेश गरेपछि सबै दलहरुबीच सामूहिक धारणा बनाउन प्रधानमन्त्री केपी शर्मा ओलीले सर्वदलीय बैठक बोलाएका छन् । बैठकमा सहभागी हुन नेकपाका अध्यक्ष पुष्पकमल दाहाल,नेपाली कांग्रेसका सभापति शेरबहादुर देउवा,पूर्वप्रधानमन्त्रीहरु माधवकुमार नेपाल,झलनाथ खनाल,बाबुराम भट्टराई, संघीय समाजवादी,राजपाका लगायत अन्य दलका शीर्ष नेताको उपस्थिति छ ।
अतिक्रमणको चपेटामा परेपछि खुला राख्न दबाब दिँदै शनिबार टुँडिखेल मानव साङ्लोले घेराउ गरिएको छ । अकुपाई टुँडिखेल अभियानको नेतृत्वमा बिहान मानव साङ्लोले टुँडिखेल घेरिएको हो । विरोध कार्यक्रममा पूर्वप्रधानमन्त्री बाबुराम भट्टराई, पूर्वमन्त्रीहरु हिसिला यमी, भीमसेनदास प्रधान, परराष्ट्रविद् हिरण्यलाल श्रेष्ठ, नागरिक अगुवा, सर्वसाधरणको सहभागिता थियो ।
