कान्तिपुर वेबसाईट
AdvertisementAdvertisement

यस्तो रह्यो एमालेको पदयात्रा

तस्बिर : दीपक केसी

काठमाडौँ — संविधान दिवसलाई राष्ट्रिय दिवसका रूपमा मनाउन नेकपा एमालेले शनिबार काठमाडौंमा पदयात्रा गरेको छ । पदयात्रा बिहान ७ बजेबाट उपत्यकाका बानेश्वर, मैतिदेवी, लैनचौर, कालिमाटी र ललितपुरको कुपण्डोलबाट सुरू भएको थियो ।

पदयात्रा कार्यक्रम बसन्तपुरमा पुगेर सभामा परिणत भएको थियो । सभामा नेकपा एमालेका अध्यक्ष तथा पूर्वप्रधानमन्त्री केपी शर्मा ओलीले सत्ता गठबन्धनले देशलाई ओरालोतर्फ धकेलिरहेको बताए । कार्यक्रममा अध्यक्ष ओलीकी धर्मपत्नी राधिका शाक्य, महासचिव शंकर पोखरेल, उपाध्यक्ष एवं संविधानसभा अध्यक्ष सुवासचन्द्र नेम्वाङ, उपाध्यक्ष अष्टलक्ष्मी शाक्यलगायतका नेताहरुको उपस्थिति रहेको थियो ।


प्रकाशित : आश्विन १, २०७९ १०:२४
प्रतिक्रिया
पठाउनुहोस्

राप्ती नदीको बहाव खतरा तहभन्दा माथि 

ठाकुरसिंह थारु

नेपालगन्ज — तीन दिनदेखिको लगातार वर्षापछि राप्ती नदीको बहाव खतराको संकेतभन्दा माथि पुगेको छ । गाउँमा बाढी पस्न सक्ने भन्दै तटीय क्षेत्रका स्थानीयलाई सतर्कता अपनाउन आपत्कालीन साइरन बजाइएको छ । स्थानीय प्रशासनले उद्धार टोली तयारीमा अवस्थामा राखेको जनाएको छ । 

बाँकेको कुसुमस्थित जलमापन केन्द्रका अनुसार नदीमा पानीको सतह शनिबार बिहानसम्म ५ दशमलव ५८ मिटर पुगेको छ । राप्ती नदीमा पानीको सतह ५ दशमलव ४ मिटर पुगेपछि खतरा मानिन्छ ।

जिल्ला विपद् व्यवस्थापन समितिले पहाडी जिल्लामा अझै पनि वर्षा भइरहेका कारण राप्ती नदीको सतह बढ्न सक्ने खतरा रहेका कारण सुरक्षाकर्मीलाई तयारी अवस्थामा राखेको जनाएको छ ।

भारत सरकारले निर्माण गरेको लक्ष्मणपुर बाँध र कलकलवा तटबन्धका कारण तटीय क्षेत्रका होलिया, गंगापुर, मटैया, बेतहनी, कम्दी, बनकट्टी, फत्तेपुर, विनौना, वैजापुर, कचनापुर, महादेवपुरीलगायतका हजारौ सर्वसाधारण डुबानमा पर्दै आएका छन् ।

प्रकाशित : आश्विन १, २०७९ ०९:२०
पूरा पढ्नुहोस्
प्रतिक्रिया
पठाउनुहोस्
×