डेंगु संक्रमितले भरिँदै टेकु अस्पताल

डेंगु क्लीनिकमा बिरामी जाँच्दै गरेका अस्पतालका संक्रामक रोग विशेषज्ञ डा शेरबहादुर पुनले हरेक घरमा डेंगुका बिरामी रहेको भन्दै अझै पनि जोखिम बढेको भन्दै सचेत गरेका थिए । स्वास्थ्यकर्मीहरूले डेंगु नियन्त्रणका लागि अभियान नै सञ्चालन गर्नुपर्ने सुझाव दिइरहँदा सरकारले भने पर्याप्त पहल गर्न सकिरहेको छैन । पछिल्लो समय काठमाडौंसहित चितवन, भैरहवा, बुटवल, दाङ, लगायत सहर डेंगु संक्रमणबाट बढी प्रभावित रहेका छन् । सरकारले भने प्रभावित क्षेत्रमा पनि रोकथामको अभियान सञ्चालन गरिरहेको छैन ।