कान्तिपुर वेबसाईट
AdvertisementAdvertisement

बस्ती पस्यो सप्तकोसी

प्रभावित सर्वसाधारण सुरक्षित स्थानतर्फ
डिल्लीराम खतिवडा

उदयपुर — झन्डै दुई महिनायता पश्चिम धार कटान गर्दै बेलका नगरपालिका ८ डुम्रीबोटे हुँदै कोसी नदीको बहाव बस्ती पसेको छ । नगरपालिकाका वडा नं. ८, ९ र ३ मा नदी पसेपछि त्यहाँका सर्वसाधारणहरू सुरक्षित स्थानतर्फ सरेका छन् ।

पश्चिम तटीय क्षेत्रको बेलका नगरपालिका ८ डुम्रीबोटेबाट सप्तकोसी पस्दा नगरपालिकाको ८, ९, ३, २ र १ वडा प्रभावित भएका छन् । बुधबार बिहान ४ बजे उदयपुरको बेलका नगरपालिका-८ डुम्रिबोटेबाट पश्चिमतर्फ पसेको थियो ।

विशेष गरेर डुम्रिबोटेमा कटान गर्दै आएको कोसी सोही स्थानबाट बेलका नगरपालिकाका क्षेत्रमा पसेको स्थानीयले बताए । कोसी पश्चिम पसेसँगै बेलका नगरपालिकाको १, २, ३, ८ र ९ वडाको धौरीटापु, श्रीलंका टापु, भागलपुर, करैया, तपेश्वरीलगायत बस्ती खतरामा परेका छन् ।

अहिले कटान गरिहेको डुम्रिबोटे क्षेत्र रोक्न गरिएका सबै खाले प्रयास असफल भएको नगरप्रमुख कार्कीले बताए । त्यसैले जोखिम क्षेत्रका सर्वसाधारणलाई घर छाडेर सुरक्षित स्थानमा जान सूचना जारी गरिएको उनले बताए ।


प्रकाशित : श्रावण १८, २०७९ ११:२८
प्रतिक्रिया
पठाउनुहोस्

अमेरिकी सभामुख पेलोसीको ताइवान भ्रमणबारे चिनियाँ राजदूत होउको टिप्पणी

एक चीन सिद्धान्त उल्लंघन गरेको भन्दै अमेरिकाको आलोचना र सोही सिद्धान्तमा नेपालको प्रतिबद्धतालाई लिएर प्रशंसा
जगदीश्वर पाण्डे

काठमाडौँ — काठमाडौंस्थित चिनियाँ राजदूत होउ यान्छीले पनि अमेरिकी सभामुख नान्सी पेलोसीको ताइवान भ्रमणलाई लिएर टिप्पणी गरेकी छन् । होउले बुधबार बिहान अमेरिकाले ‘एक चीन नीति’ को गम्भीर उल्लंघन गरेको बताइन् । 

होउले भनेकी छन्, ‘मंगलबार अमेरिकी प्रतिनिधिसभाका सभामुख नान्सी पेलोसीले चीनको ताइवान क्षेत्रको भ्रमण गरिन् । यो एक चीन सिद्धान्तको गम्भीर उल्लंघन हो । यसले ताइवान क्षेत्रमा शान्ति र स्थिरतालाई कमजोर बनाउँछ । चीनले यसको दृढतापूर्वक विरोध र कडा निन्दा गर्दछ ।’

साथै, राजदूत होउले नेपाललाई ताइवान मामिलामा तान्दै भनेकी छन्, ‘चीनले एक चीन सिद्धान्तप्रति नेपालको लामो समयदेखिको प्रतिबद्धता र ताइवान स्वतन्त्रताको दृढतापूर्वक विरोध गरेकोमा उच्च प्रशंसा गर्दछ ।’

अमेरिकी सभामुख पेलोसी एसियाको भ्रमणका क्रममा दुई दिन (मंगलबार र बुधबार) का लागि ताइवान पुगेकी हुन्‚ जसलाई लिएर चीन र अमेरिकाबीचको सम्बन्धमा तिक्तता बढेको छ ।

प्रकाशित : श्रावण १८, २०७९ १०:४८
पूरा पढ्नुहोस्
प्रतिक्रिया
पठाउनुहोस्
×